وبلىستىق اۋماقتىق ورمان شارۋاشىلىعى جانە جانۋارلار دۇنيەسى ينسپەكتسياسى باسشىسىنىڭ مىندەتىن اتقارۋشى مارات ابدراحماننىڭ ايتۋىنشا, سۋ ايدىندارىنا ەكى اي بويى تەكسەرۋ جۇرگىزىلگەن. ايدىن بەتىن تازالاۋ جۇمىستارى بەكىرە بالىقتاردىڭ ۋىلدىرىق شاشاتىن جەرلەرىنە جەتۋىنە مۇمكىندىك بەردى.
«كوكتەمگى كەزەڭدە ەكى بەكىرە تۇقىمداس بالىق ءوسىرۋ زاۋىتى سۋ مارجاندارىنىڭ 196 ءوندىرۋشىسىن دايىندادى. بۇل مالىمەت اكتسيانىڭ نەگىزگى ماقساتىن ىسكە اسىرۋعا باعىتتالعان جۇمىستىڭ وڭ ناتيجە بەرىپ وتىرعانىن سيپاتتايدى», - دەيدى مارات عينايات ۇلى.
ءبىر اتاپ وتەرلىگى, ماڭىزدى ناۋقانعا قاتىستى شەشىمىن تاپپاعان پروبلەمالار ءالى دە بار. مىسالى, ينسپەكتسيا قىزمەتكەرلەرى راديوبايلانىس قۇرالدارىمەن جابدىقتالماعان.
سونداي-اق, ۇتقىر رەيدتىك توپتاردى جۇردەك تەحنيكامەن قامتۋ, جانار-جاعارماي جەتكىزۋ دە وزەكتى.
«شارالاردى ءىس جۇزىندە جۇزەگە اسىرۋ ازىق-ت ۇلىك قاۋىپسىزدىگىنىڭ, حالىقتىڭ تابىس تابۋ جانە جۇمىسپەن قامتۋ كوزى رەتىندە الەۋمەتتىك ماسەلەلەردى شەشۋدىڭ ماڭىزى فاكتورى رەتىندە بالىق شارۋاشىلىعىن ودان ءارى دامىتۋعا مۇمكىندىك بەرەدى. 1 ءساۋىر مەن 31 مامىر ارالىعىندا تابيعات قورعاۋ جانە قۇقىق قورعاۋ ورگاندارى قىزمەتكەرلەرى 1024 تابيعات قورعاۋ زاڭناماسىن, ونىڭ ىشىندە 217 ورەسكەل سيپاتتا انىقتادى. كەمە ءجۇرىسى رەجيمىن بۇزۋ ءۇشىن 30 اكىمشىلىك حاتتاما تولتىرىلدى. اتىراۋ وبلىسىنىڭ ۋاكىلەتتى جانە قۇقىق قورعاۋ ورگاندارى 721, ماڭعىستاۋ - 136 جانە باتىس قازاقستان – 167 بۇزۋشىلىق انىقتادى», - دەيدى م.ابدراحمان.
ناۋقان كەزىندە 64 توننا 350 كگ بالىق, ونىڭ ىشىندە 3 توننا 126,3 كگ بەكىرە تۇقىمداس بالىق جانە 11 كگ بەكىرە تۇقىمداس بالىقتار ۋىلدىرىعى تىركىلەندى. زاڭسىز اينالىمنان 5134 دانا اۋلاۋ قۇرالى, سونىڭ ىشىندە يەسىز, ء118 جۇزۋ قۇرالى جانە 42 بىرلىك اۆتوموتوكولىك قۇرالى الىندى.
باقىتگۇل باباش,
«ەگەمەن قازاقستان»
اتىراۋ.