«مەن چەمپيونمىن!» اتتى ەكىنشى رەسپۋبليكالىق بالالار ويىنى 16 كوماندانىڭ قاتىسۋىمەن پەتروپاۆل قالاسىندا 4 كۇنگە سوزىلىپ, مارەگە جەتتى.
اسا تارتىستى وتكەن باسەكەنىڭ اقتىق بەلدەسۋىنە «جولبارىس» (سولتۇستىك قازاقستان وبلىسى) جانە «قايسار» (قىزىلوردا وبلىسى) كوماندالارى جولداما الدى.
كوپسايىس قورىتىندىسىندا قايسارلىقتار سۋىرىلىپ العا شىققانىمەن, ەكىنشى كەزەڭدە جولبارىستىقتار ەسەپتى تەڭەستىردى. كاپيتاندار سايىسىندا قىزىلوردالىق ورەندەر مۇمكىندىكتى قالت جىبەرمەي, جەڭىستىڭ ەڭ بيىك تۇعىرىنا كوتەرىلدى. جەڭىمپاز كومانداعا اۋىسپالى كۋبوك پەن زاتتاي سىيلىقتار تابىس ەتىلدى. جۇلدەگەرلەر دە ماراپاتتالدى.
«بىلتىر اقتىق سايىستا الاڭ يەلەرىنەن ۇتىلىپ قالعان ەدىك. بۇل جولى بابىمىز دا, باعىمىز دا قاتار شاۋىپ, ەسەمىزدى قايتاردىق», دەيدى «قايسار» كومانداسىنىڭ كاپيتانى ايبار ىبىرايحانوۆ.
ءومىر ەسقالي, «ەگەمەن قازاقستان»