"نۇر-ايدار" شارۋا قوجالىعىنىڭ باسشىسى ەركىن شەراليەۆ ءۇش گەكتار جەرگە تاڭقۋراي ەگىپ, العاشقى ءونىمىن العان. ونىڭ ايتۋىنشا كۇزدە ءبىر گەكتاردان 12 تونناعا دەيىن ءونىم الۋعا بولار ەكەن.
جەرگىلىكتى تۇرعىندار تاڭقۋرايدى گۇلدەۋ الدىندا جانە جيدەكتەرىنىڭ دامۋى كەزىندە سۋعارادى. سۋ سىڭگەن سوڭ اتىزىن جاۋىپ, توپىراعىن قوپسىتادى. جەردىڭ جوعارى قاباتىن ارامشوپتەرىنەن جانە تامىرلاردان تازارتادى. تاڭقۋراي ەگۋدە ورگانيكالىق جانە مينەرالدى تىڭايتقىشتار قولدانىلادى.
جىگىرگەن جيدەگىن باپتاۋعا اۋىلدىڭ 30-دان استام تۇرعىنى جۇمىلدىرىلعان. توپىراعى جاقسى تىڭايعان كەزدە تاڭقۋراي ەكى ايدا ءبىر ءونىم بەرەدى. قوجالىق باسشىسى دايىن ءونىمدى كوتەرمە باعامەن ساۋدالاۋدى كوزدەپ وتىر.
دارۋمەن جەمىسكە جەڭسىك ادامدار كوپ.
باقتيار تايجان,
"ەگەمەن قازاقستان"
وڭتۇستىك قازاقستان وبلىسى.