ءىس-شاراعا دەنساۋلىق ساقتاۋ ءمينيسترى ە.ءبىرتانوۆ, پرەزيدەنت ءىس باسقارماسىنىڭ, ءىس باسقارماسىنا قاراستى مەديتسينالىق ورتالىقتىڭ باسشىلىعى, قىتايدان كەلگەن ارىپتەستەر, ورتالىق قىزمەتكەرلەرى جانە تاعى باسقا ازاماتتار قاتىستى.
گۇلشارا ابدىقالىقوۆا قۇتتىقتاۋ سوزىندە بيىل ەكى ەل اراسىنداعى ديپلوماتيالىق قارىم-قاتىناستاردىڭ ورناعانىنا 25 جىل تولعانىن اتاپ ءوتتى. مەملەكەتتىك حاتشى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ پەن قىتاي حالىق رەسپۋبليكاسىنىڭ توراعاسى سي تسزينپين اراسىندا جىلى ءارى دوستىق قارىم-قاتىناس ورناعانىنا ەرەكشە توقتالدى. ەكىجاقتى ىنتىماقتاستىقتىڭ جوعارى دەڭگەيى, سەنىمدى ديالوگ, ارىپتەستىكتى نىعايتۋعا دەگەن ءوزارا مۇددەلىلىك سونىڭ ناتيجەسى بولىپ سانالادى.
مەملەكەتتىك حاتشى قىتاي مەديتسيناسى تامىرىن تەرەڭنەن الاتىنىن, ول دارىگەرلەردىڭ مىڭداعان جىلدار بويى جيناقتاعان تاجىريبەسىنە نەگىزدەلەتىنىن ايتتى.
– ءبىزدىڭ ازاماتتار ەم الۋدىڭ بالامالى ادىستەرىنە ءجيى جۇگىنەتىن بولدى. بۇگىن اشىلىپ وتىرعان قىتايدىڭ ءداستۇرلى مەديتسينا ورتالىعى قازاقستاندىقتاردىڭ ەمدەلۋ مۇمكىندىكتەرىن ارتتىرۋعا سەپتىگىن تيگىزەدى. بۇل ورتالىق حالىق دەنساۋلىعىن ساقتاۋدىڭ ۇزدىك رەسۋرستارىنىڭ ءبىرى بولاتىنىنا سەنىمىم مول, - دەدى مەملەكەتتىك حاتشى گۇلشارا ابدىقالىقوۆا.