اتالعان قۇجاتقا قازاقستان تاراپىنان ءبىلىم جانە عىلىمي ءمينيسترى ەرلان ساعاديەۆ, قىرعىزستاننان ءبىلىم جانە عىلىم ءمينيسترى گۇلميرا قۇدايبەرديەۆا, ال رەسەي جاعىنان ءبىلىم ءمينيسترىنىڭ ورىنباسارى ليۋدميلا وگورودوۆا قول قويدى.
«بۇگىندە ۇيىم كەڭىستىگىندە ءبىلىم سالاسىندا كوپجاقتى ءوزارا ءىس-قيمىلدىڭ باستى تەتىگى بولىپ شىۇ ۋنيۆەرسيتەتى ەسەپتەلەدى. وسى ورايدا شىۇ ۋنيۆەرسيتەتى اياسىندا جوعارى بىلىكتى كادرلاردى دايارلاۋ ۇيىمعا مۇشە مەملەكەتتەردىڭ مادەني, ءبىلىم بەرۋ, ەكونوميكالىق ىنتىماقتاستىعىنىڭ باسىمدىقتى سالالارىندا جۇزەگە اسىرىلۋى كەرەكتىگىن تۇسىنەمىز», دەپ توقتالدى ساعاديەۆ.
ونىڭ سوزىنە قاراعاندا, شىۇ ۋنيۆەرسيتەتىنىڭ نەگىزگى ميسسياسى جوعارى بىلىكتى كادرلاردى ۇيلەستىرىلگەن تۇردە دايارلاۋعا باعىتتالۋى ءتيىس, سونداي-اق بۇل شارالار شىۇ-عا مۇشە مەملەكەتتەر ءۇشىن باسىمدىقتى مۇددەنى كوزدەيتىن ماماندىقتار بويىنشا كەلىسىلگەن ءبىلىم بەرۋ باعدارلامالارىنا نەگىزدەلۋى قاجەت.
بەلگىلى بولعانداي, بۇگىندە شىۇ ۋنيۆەرسيتەتى قۇرامىنا التى باعىت بويىنشا قازاقستاننىڭ 14 جوعارى وقۋ ورنى كىرىپ وتىر. قر ءبىلىم جانە عىلىم ءمينيسترىنىڭ پايىمىنشا, اتالعان كەلىسىم شىۇ بىرىڭعاي ءبىلىم بەرۋ كەڭىستىگىن نىعايتۋعا ىقپال ەتەدى. قاتىسۋشى مەملەكەتتەردىڭ ءبىلىم بەرۋ رەسۋرستارىن ينتەگراتسيالاۋعا جول اشادى.
ايتا كەتەيىك, سيمپوزيۋم شىۇ حارتياسىنا قول قويىلۋىنا 15 جىل تولۋىنا ارنالىپ وتىر.