ء«بىز مەملەكەتتىك رامىزدەر كۇنى قالامىزدان تاۋەلسىزدىكتىڭ 25 جىلدىعى اتىنداعى ساياباق اشىپ وتىرمىز. قوستاناي قالاسىن ورالا اعىپ جاتقان توبىل وزەنىنىڭ جاعاسىنان دەمالىس ساياباعىن اشۋ ءۇشىن مەملەكەتتىك بيۋدجەتتەن 1 ميلليارد تەڭگە قارجى بولىنگەن بولاتىن. وعان روللەرلىك داڭعىل, جاتتىعۋ زالدارى, بالالار اتتراكتسيونى, ۆولەيبول, شاعىن فۋتبولعا ارنالعان الاڭدار جانە مىڭ ورىندىق امفيتەاتر سالىندى» دەدى ارحيمەد بەگەجان ۇلى. اكىم وسى جەردە تاعى دا كارتينگ ورتالىعى ورنايتىندىعىن, ارلان-2050 بازاسى جاڭارتىلاتىنىن دا كوپشىلىككە جەتكىزدى. وسى جوبالاردى جاساۋعا 250 ميلليون تەڭگە جەكە ينۆەستيتسيا دا تارتىلدى. مۇندا ەندى سپورت سارايى جانە فۋتبول مانەجى دە ورنالاساتىن بولادى. قالانىڭ ءبىر شەتى سانالاتىن بۇل جەردە مۇنداي ءىرى دەمالىس ورنى بولمايتىن. ەندى تۇرعىنداردىڭ قۋانىشىندا شەك جوق. وندا دەمالىپ, قىدىرۋعا دا, سۋعا تۇسۋگە, سپورتپەن اينالىسۋعا,جازدا ۆەلوسيپەد, قىستا شاڭعى تەبۋگە, كوڭىل كوتەرىپ, كونتسەرتتەر تىڭداۋعا دا مۇمكىندىك بولادى. ءنازيرا جارىمبەتوۆا «ەگەمەن قازاقستان» قوستاناي
دەمالىس ايلاعى تاۋەلسىز ەلىمىزدىڭ مەملەكەتتىك رامىزدەرىنىڭ 25 جىلدىعى كۇنى اشىلدى. اشىلۋ سالتاناتىندا وبلىس اكىمى ارحيمەد مۇحامبەتوۆ قوستانايلىقتاردى قۇتتىقتادى.