قالانى كوگىلدىر وتىنمەن قامتۋ جايى تۋرالى "جەتىسۋ وبلگاز" مەكەمەسىنىڭ ديرەكتورى ۆلاديمير توحتاسۋنوۆ باياندادى. ونىڭ ايتۋىنشا قالاىشىلىك گازبەن جابدىقتاۋ جەلىلەرىن تارتۋ ىسىندە قازىر 200-دەن استام ادام ەڭبەك ەتۋدە. العاشقى كەزەكتىڭ جۇمىسى قىركۇيەك ايىندا اياقتالسا, جالپى قالانى تولىق گازداندىرۋ ءىسى 2018 جىلى ءتامامدالۋى ءتيىس. ا.باتالوۆ بۇل ءىستى كەلەسى جىلى تولىق ءبىتىرۋ ءۇشىن جۇمىسشىلار سانى جەتكىلىكسىز ەكەنىن, جۇمىس كەستەسىن ازىرلەپ, سوعان سايكەس جۇمىس ىستەۋ قاجەتتىگىن قاتاڭ تاپسىردى. "تالدىقورعاندى گازداندىرۋ - ايماق ءۇشىن اسا ماڭىزدى جوبالاردىڭ ءبىرى. سوندىقتان بەلگىلەنگەن مەجەگە قول جەتكىزۋ ءۇشىن كۇن سايىنعى اتقارىلعان جۇمىستارىڭنىڭ ەسەبى بولۋى كەرەك. ونىڭ ءبارى جۇمىس كەستەسىندە ايقىن كورىنىپ, سول كەستەگە سايكەس جۇمىس جۇرگىزىلۋى ءتيىس. قاجەت بولسا جۇمىسشىلار سانىن ارتتىرىڭدار", - دەدى ءوڭىر اكىمى. جالپى, "قازترانسگاز ايماق" اق جەتىسۋ وندىرىستىك فيليالى قازىر قالانىڭ 25 كوشەسى مەن "قاراتال" شاعىن اۋدانىنىڭ ابونەنتتەرىن كوگىلدىر وتىنعا قوسۋ جۇمىستارىن باستادى. بيىلعى جىلى وبلىستاعى گازبەن قامتىلعان ەلدى مەكەندەر سانىن 123-كە, قامتۋ كورسەتكىشىن 26%-كە جەتكىزۋ جوسپارلانعان.
تالدىقورعان قالاسىن ارالاۋ بارىسىندا وبلىس اكىمى اماندىق باتالوۆ قالاىشىلىك گازداندىرۋ ىسىنە قارقىن قوسۋدى تاپسىرىپ, بۇل اسا ماڭىزدى جوبانىڭ جۇزەگە اسىرىلۋىن تىكەلەي قاداعالاپ وتىراتىنىن ايتتى, دەپ حابارلايدى قالا اكىمدىگىنىڭ ءباسپاسوز قىزمەتى.