«سالاماتتى قازاقستان» مەديتسينالىق پويىزى ءوز جۇمىسىن 2017 جىلدىڭ 1 ماۋسىمىنان باستاپ شىعىس قازاقستان وبلىسىنىڭ نوۆوۋستكامەنوگورسك ستانتسياسىندا جالعاستىراتىن بولادى. 2017 جىلعى 6 قاراشاعا دەيىنگى ۋاقىتتا «سالاماتتى قازاقستان» دارىگەرلەرى شىعىس قازاقستان, پاۆلودار, اقمولا, قوستاناي, اقتوبە, باتىس قازاقستان وبلىستارىنداعى 97 ستانتسيانى قامتيدى دەپ جوسپارلانۋدا.
بۇگىن «دەنساۋلىق» مەديتسينالىق پويىزىنىڭ دارىگەرلەرى قابىلداۋدى اتىراۋ وبلىسىنىڭ نارىن ستانتسياسىنان باستاپ جالعاستىرادى. بەكىتىلگەن كەستەگە سايكەس اعىمداعى جىلعى 21 جەلتوقسانعا دەيىنگى ۋاقىتتا اتىراۋ, قىزىلوردا, وڭتۇستىك قازاقستان,جامبىل, الماتى وبلىستارىنىڭ 113 ستانتسياسىن قامتيدى دەپ جوسپارلانۋدا.
2010 جىلى جۇمىسىن باستاعان مەديتسينالىق پويىزدار مەديتسينالىق كومەك دامىماعان شاعىن ستانتسيالار مەن جول ايرىقتارىنا جاقىن ورنالاسقان ەلدى مەكەندەردىڭ ازاماتتارىنا ءداستۇرلى تۇردە قىزمەت كورسەتەدى. مەديتسينالىق پويىزداردا وبلىستىق كولەمدەگى كلينيكالار دەڭگەيىندەگى جوعارى بىلىكتى مەديتسينالىق كومەك كورسەتىلەدى. پويىزدارداعى مەديتسينالىق قىزمەتكەرلەر ستانتسيادان ونداعان شاقىرىم جەردە توسەك تارتىپ جاتقان پاتسيەنتتەرگە قاجەتتى مەديتسينالىق كومەك كورسەتۋگە بىرنەشە رەت شىققان.
پويىزدار بارلىق قاجەتتى دياگنوستيكالىق اپپاراتۋرالارمەن جانە قر ءىىم تج كوميتەتىنىڭ «اپاتتار مەديتسيناسى تەمىر جول گوسپيتالدارى» اق-نىڭ 18-دەن استام دارىگەر ماماندىعى بويىنشا جوعارى بىلىكتى مەديتسينالىق كادرلارمەن جابىدىقتالعان. مەديتسينالىق پويىزداردا تمد جانە الىس شەت ەلدەردىڭ, رەسپۋبليكامىزدىڭ جەتەكشى عىلىمي مەديتسينالىق ورتالىقتارى on-line رەجيمدە شالعاي ەلدى مەكەندەردەگى ناۋقاستاردى ەمدەۋ بارىسىندا كەڭەس بەرۋگە مۇمكىندىك بەرەتىن العاش تەلەمەديتسينالىق قوندىرعى, ينتەرنەت جانە تەلەفونيا ارناسى ورناتىلدى.
دياگنوستيكالىق تەكسەرۋدىڭ كەشەندى جانە شاعىن جۇيەسى كۇنىنە ءۇش ءجۇز ادامعا دەيىن جوعارى «وتكىزۋ قابىلەتىن» جانە دياگنوستيكانىڭ جوعارى ساپاسىن قامتاماسىز ەتەدى.
پويىزدار ستانتسيادا بولعان ۋاقىت ىشىندە قارالۋعا كەلگەن حالىققا مەديتسينالىق كومەك تەگىن كورسەتىلەتىنى ۇلككەن رول اتقارادى. اۋىل تۇرعىندارىنا تەگىن مەديتسينالىق كومەكتىڭ كەپىلدى كولەم تىزبەسىنە كىرمەيتىن ستاموتولوگيالىق كومەك تە تەگىن كورسەتىلەدى.
2017 جىلعى 12 ساۋىردەن 29 مامىرعا دەيىنگى ارالىقتاعى 47 كۇندە رەسپۋبليكامىزدىڭ قاراعاندى, ماڭعىستاۋ, شىعىس قازاقستان جانە اتىراۋ وبلىستارىنداعى 51 ستانتسيانىڭ تۇرعىندارى قارالدى, 14 400 ادام, ونىڭ ىشىندە 2 992 بالا تەكسەرۋدەن ءوتتى. دارىگەرگە قارالعان ادامداردىڭ سانى 73 709-دى قۇرادى. 63 216 دياگنوستيكالىق ەمشارا وتكىزىلىپ, 300 شاعىن امبۋلاتوريالىق وتا جاسالدى. 824 ايەل ادام ماممولوگتارعا قارالدى. 3 709 تۇرعىنعا ستاموتولوگيالىق كومەك كورسەتىلدى.
«سالاماتتى قازاقستان» مەديتسينالىق پويىزى مەملەكەت باسشىسىنىڭ كولىك مەديتسيناسىن دامىتۋ اتتى نەگىزگى باسىمدىقتارىن ىسكە اسىرۋ ماقساتىندا قر ءىىم توتەنشە جاعدايلار كوميتەتىنىڭ «اپاتتار مەديتسيناسى تەمىر جول ورتالىعى» اق-نىڭ «قازاقستان تەمىر جولى» ۇك» اق مەن قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگىمەن بىرىگىپ ىسكە قوسقان ۇش مەديتسينالىق پويىزدىڭ ءبىرى بولىپ تابىلاتىنىن اتاپ وتكەن جون.
2010 جىلى «دەنساۋلىق» پويىزى «2010 جىلعى №1 جىلدىڭ الەۋمەتتىك جاۋاپتى جوباسى» نوميناتسياسى بويىنشا «جىل تاڭداۋى - 2010» ۇلتتىق بايقاۋىندا جانە «جىلدىڭ ۇزدىك الەۋمەتتىك جوباسى» نوميناتسياسى بويىنشا بيزنەستىڭ الەۋمەتتىك جاۋاپكەرشىلىگى جونىندەگى «پارىز» بايقاۋىنىڭ جۇلدەگەر اتانىپ قوعامدىق جوعارى باعاعا يە بولدى.
2010-2016 جىلدار ارالىعىندا «دەنساۋلىق», «جاردەم» جانە «سالاماتتى قازاقستان» ءۇش كونسۋلتاتيۆتىك-دياگنوستيكالىق پويىزى 1 451 كۇن ىشىندە 151 054,5 شاقىرىم جول ءجۇرىپ, رەسپۋبليكامىزداعى بارلىق وبلىستار 1 074 ستانتسياسىنىڭ تۇرعىندارى قارالدى.
304667 تۇرعىن, ونىڭ ىشىندە 72 600 بالا پويىز ماماندارىنىڭ تەكسەرۋىنەن ءوتتى. دارىگەرگە قارالعانداردىڭ سانى 2 027 722-ءنى قۇرادى. 1 282 618 دياگنوستيكالىق ەمشارا وتكىزىلدى (278 414 ىشكى اعزانى ۋلترادىبىستىق زەرتتەۋ, 4 058 سپيروگرافيا, 56 862 ميدى ەلەكتروەنتسەفالوگرافيالىق جانە ۋلترا دىبىستىق دوپلەروگرافيالىق زەرتتەۋلەر, 105 968 ەلەكتروكارديوگرافيالىق زەرتتەۋلەر, 63 781 كوز ءىشىنىڭ قان قىسىمىن ولشەۋ, 70 356 رەنتگەنولوگيالىق زەرتتەۋلەر, 20 733 ەزوفاگوگاسترودۋودەنوسكوپيا, 682 446 كلينيكالىق-بيوحيميالىق تالدامالار), 3 790 شاعىن امبۋلاتوريالىق وتا جاسالدى, 21 تەلەمەديتسينالىق كونسۋلتاتسيا بەرىلدى. 45774 ايەل ادام ماممولوگتارعا قارالدى. 74761 تۇرعىنعا ستاموتولوگيالىق كومەك كورسەتىلدى.
مەديتسينالىق پويىزدار جۇمىسىنىڭ جوعارى ساپالى جانە قالىپتاسقان جۇيەسى ادامنىڭ ءوزى بىلە بەرمەيتىن ءاۋرۋ تۇرىن انىقتاۋعا مۇمكىندىك بەرەدى.
«دەنساۋلىق پويىزى» جوباسى شالعاي جاتقان ەلدى مەكەندەردىڭ تۇرعىندارىنا ساپالى مەديتسينالىق كومەكتىڭ جوعارى ستاندارتتارىن جەتكىزۋگە مۇمكىندىك بەرەدى.