گرەم نورمان, ميچيگان شتاتى ۋنيۆەرسيتەتىنىڭ ەۋروپا, رەسەي جانە ەۋرازيا زەرتتەۋ ورتالىعىنىڭ ديرەكتورى (اقش):
– قايتا قۇرۋدىڭ ءبىر فاكتورى – مەملەكەت پەن نارىقتىڭ اراسىندا دانەكەر بولۋشى الەۋمەتتىك ينستيتۋتتار مەن نورمالار جۇيەسىن جاساۋ ارقىلى ەكونوميكالىق قوعامدى دامىتۋ. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ تۇراقتى دا ورنىقتى دەموكراتيا قالىپتاستىرۋدا قاجەتتى مادەني قۇندىلىقتارعا باسا نازار اۋدارىپ وتىرعانى قۋانتادى. پرەزيدەنتتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنداعى «زامانعا سايكەس جاڭعىرۋ مiندەتi بارلىق مەملەكەتتەردiڭ الدىندا تۇر» دەگەن ءسوزى وتە دۇرىس باعىت. وكىنىشكە قاراي, تۇركى الەمى وركەنيەتى مەن مادەنيەتىنىڭ الەمدىك وركەنيەتكە قوسقان ۇلەسى مەن ورنى تۋرالى جەتكىلىكتى دەڭگەيدە كوڭىل بولىنبەي جاتاتىنى بار. تۇركى مەملەكەتتەرىنىڭ ورنىندا ۇلكەن وركەنيەت وشاعى بولعانى راس. سوندىقتان « ۇلى دالا» ءىى گۋمانيتارلىق عىلىمدار فورۋمى تۇركى مادەنيەتى يەلەنەتىن قۇندىلىقتاردى بۇكىل الەممەن بولىسۋگە مۇمكىندىك بەرەدى. ەڭ باستىسى, فورۋم ناتيجەسىندە ماڭىزدى شەشىمدەر شىعادى. وقىلعان عىلىمي تۇجىرىمدار وسى جەردە قالىپ قويماي, بۇكىل الەمگە تارالىپ, ادامداردىڭ بارىنە قولجەتىمدى بولادى. سونىمەن قاتار, فورۋمنىڭ ماڭىزدى تۇسى – تۇركى جانە تۇركى تىلدەس مەملەكەتتەر اراسىنداعى ءوزارا ىنتىماقتاستىق. سەبەبى, مۇنداي مەملەكەتتەردىڭ ءوزارا ۇقساس پروبلەمالارى بولادى. فورۋمنىڭ ارقاسىندا سونداي پروبلەمالاردى بىرلەسە تالقىلاپ, ورتاق شەشىم قابىلداۋعا مۇمكىندىك تۋىپ وتىر.
ايا ءومىرتاي,
«ەگەمەن قازاقستان»