تارتىپسىزدىكتىڭ قاي كوشەدە بولعانى جايلى جازادى. گەرمانياداعىداي جاڭاشىلدىق بىزگە دە جەتىپ, «Zero Tolerance» ءموبيلدى قوسىمشاسىنىڭ قۇراستىرۋشىلارى ەلىمىزدىڭ ادىلەت مينيسترلىگى اۆتورلىق قۇقىق جونىندەگى كۋالىككە قول قويىپتى.
ءموبيلدى قوسىمشانى تۇرعىندار قالاداعى PlayMarket جانە AppStore ەلەكتروندى دۇكەنىنەن جۇكتەپ, ۇيالى تەلەفون ءنومىرى ارقىلى تىركەۋدەن وتە الادى. حابارلانعان جازبا جاسىرىن تۇردە تۇسەدى. وندا سۋرەتتى, نە بەينەجازبانى تۇسىرگەن ادامنىڭ اتى-ءجونى كورسەتىلمەيدى. جوبادا ىشكى ىستەر دەپارتامەنتى, توتەنشە جاعدايلار دەپارتامەنتى, تۇرعىن ءۇي-كوممۋنالدىق شارۋاشىلىق ءبولىمى, دەنساۋلىق ساقتاۋ باسقارماسى, تۇرعىن ءۇي ينسپەكتسياسى, سىبايلاس جەمقورلىققا قارسى قىزمەت, مەديتسينالىق قىزمەت كورسەتۋ ساپاسىن باقىلاۋ دەپارتامەنتتەرى ارنايى ۇياشىقتارى بار. پروكۋرورلاردىڭ ايتۋىنشا, الداعى ۋاقىتتا بۇل ءتىزىمنىڭ باسقا مەملەكەتتىك ورگاندارمەن تولىعادى.
بۇعان دەيىن «Zero Tolerance» ءموبيلدى قوسىمشاسى ارقىلى تۇرعىنداردان 100 دەن اسا قۇقىق بۇزۋشىلىق كورىنىس تاپقان سۋرەتتەر مەن بەينەجازبالار كەلىپ ءتۇسىپتى. بەينەجازبالاردا قوعامدىق ورىندا اراق ىشكەن, شەكىلدەۋىك شاققان, تەمەكى شەككەن, كولىكتەرىن رۇحسات ەتىلمەگەن ورىندارعا قويعان, اۋلادا جاتقان قوقىستار تۇسىرىلگەن. پروكۋرورلار ء «موبيلدى قوسىمشانىڭ جۇزەگە اسقانىنا كوپ بولعان جوق. بىراق, جۇرتشىلىق وتە بەلسەندى. تۇرعىندار وزدەرى ءومىر ءسۇرىپ وتىرعان ورتانىڭ تازالىعى, تۋعان قالالارىنىڭ تىنىشتىعى,ءتارتىبى ءۇشىن الاڭدايدى دەگەن ءسوز. ءموبيلدى قوسىمشا ونلاين رەجيمدە جۇمىس ىستەيدى. كەلىپ تۇسكەن حابارلاردى كەزەكشى وپەراتور قابىلداپ, ءتيىستى مەكەمەگە جولدايدى, - دەيدى.
قازىر ءموبيلدى قوسىمشا قىزمەتىندەگى ۇياشىقتار ارقىلى مەملەكەتتىك ورگاندار مەن تۇرعىندار اراسىندا كەرى بايلانىس ورناتۋ جونىندە جۇمىستار جالعاسۋدا.
فاريدا بىقاي
«ەگەمەن قازاقستان»
پاۆلودار