بۇل جولى بايقاۋدىڭ «پاراساتتى وتباسى» اتالىمىمەن ءۇشىنشى ورىندى دەنيسوۆ اۋدانىنداعى ايات اۋىلىندا تۇراتىن ماقاەۆتار وتباسى يە بولدى. عالىم اعاي مەن قارلىعا اپاي ون ءبىر بالا تاربيەلەپ ءوسىردى. ولاردىڭ بارلىعى دا ەڭبەكتە, ومىردەن ءوز ورىندارىن تاپقان, بالالى-شاعالى. وتباسىنىڭ ورتاق يىگىلىگىنە اينالعان شارۋا قوجالىعىن جاس كەلسە دە عالىم اعايدىڭ ءوزى باسقارادى. ولار «كوپ بالالى وتباسىنىڭ قۋانىشى كوپ, قيىندىعى جوق, ويتكەنى بىرلەسىپ كوتەرگەننەن كەيىن, بىرلىك بولعاننان كەيىن اۋىرلىق ەشقاشان بىلىنبەيدى» دەيدى.
«ونەگەلى وتابسى» اتالىمىمەن بەرىلەتىن ەكىنشى ورىنعا سارىكول اۋدانىندا تۇراتىن ميشەنكوۆتار وتباسى يە بولدى. يۋري مەن ەكاتەرينا التى بالا تاربيەلەپ وتىر. وتاعاسى دا, وتاناسى دا
«امانجول-اگرو» شارۋاشىلىعىندا جۇمىس ىستەيدى, التىن استىق وندىرەدى. ال بالالارى شەتىنەن جاقسى وقيدى, ءتارتىپتى, اينالاسىنا ۇلگى. گىر كوتەرۋ سپورتىمەن اينالىساتىن ۆاسيلي ميشەنكوۆ تەك وبلىس, اۋدان عانا ەمەس, ەلىمىزدىڭ نامىسىن ءدۇودۇلدى جارىستاردا قورعاپ ءجۇر.
«مەرەيلى وتباسى» اتالىمىمەن بايقاۋداعى ءبىرىنشى ورىندى امانگەلدى اۋدانىندا تۇراتىن مۇحداحانوۆتار وتباسى لايىق دەپ شەشىلدى. بۇل كوپ بالالى عانا ەمەس, اتى قوستاناي-تورعاي وڭىرىنەن اسىپ, رەسپۋبليكاعا بەلگىلى ونەرلى وتباسى بولىپ سانالادى. ايتباي مەن حانزادا
مۇزدحانوۆتار 4 بالا تاربيەلەپ ءوسىردى, نەمەرەلەر ءوسىپ جاتىر. ايتباي اعانىڭ 36 جاسىندا وندىرىستىك جاراقاتتان ءبىر قولىن كەسۋگە تۋرا كەلدى. قيىندىقتار بولماي قالعان جوق. جىگەرلى كىسى دومبىرادان ءبارى ءبىر قول ۇزبەدى, قازىر 60 كۇيدىڭ, 40 ءاننىڭ اۆتورى. قىزى انار استانادا بەلگىلى كۇيشى. ۇلتتىق بايقاۋدا ءبىرىنشى, ەكىنشى ورىن العان وتباسىلارعا150 مىڭنىڭ, ال ءبىرىنشى ورىن العان مۇزداحانوۆتارعا 300 مىڭ تەڭگەنىڭ سەرتيفيكاتى تاپسىرىلدى. ولار ماۋسىم ايىندا استانادا وتەتىن رەسپۋبليكالىق «مەرەيلى وتباسى» بايقاۋىنا وبلىس اتىنان بارادى.
ءنازيرا جارىمبەتوۆا
«ەگەمەن قازاقستان»
قوستاناي