ءبىرىنشى ورتا سالماقتا WBO Intercontinental جانە WBA Fedelatin تيتۋلدارىنىڭ يەگەرى قازاقستاندىق بوكسشى قانات يسلام مەكسيكالىق نوربەرتو گونسالەسپەن جۇدىرىقتاسىپ, تورەشىلەردىڭ شەشىمى بويىنشا جەڭىسكە جەتتى.
جانۇيەرلەر تارتىستى جەكپە-جەككە كۋا بولدى. قوس بوكسشى دا 12 راۋندتى تولىعىمەن وتكىزدى. بەسىنشى راۋندتا مەكسيكالىقتىڭ قاباعى جارىلعانمەن, كەزدەسۋدى ارى قاراي جالعاستىردى.
قانات يسلام مەن نوربەرتو گونسالەس اراسىنداعى كەزدەسۋ بۇل كۇنگى جەكپە-جەك كەشىنىڭ باستى وقيعاسى بولدى. وسى جەڭىسىنىڭ ارقاسىندا قازاقستاندىق بوكسشى WBO NABA جانە WBA Intercontinental بەلبەۋلەرىنىڭ يەگەرى اتاندى.
ايتا كەتەيىك, نوربەرتو گونسالەس كاسىپقوي بوكستا 23 مارتە جەڭىسكە جەتىپ, ونىڭ 13 كەزدەسۋىن ۋاقىتىنان بۇرىن اياقتاعان بولسا, وسىمەن توعىز رەت جەڭىلىپ وتىر. ال وتانداسىمىز 24 جەكپە-جەگىنىڭ ءبارىن جەڭىسپەن اياقتادى.