بيىلعى جازدىڭ ءفاۆوريتى, ارينە, «بولاشاق ەنەرگياسى» تاقىرىبى اياسىنداعى ەكسپو-2017 حالىقارالىق كورمەسىنىڭ يەسى رەتىندە استانا بولاتىنى داۋسىز. امەريكالىق «The New York Times» باسىلىمى قازاقستان مەن ەكسپو-2017 كورمەسىن وسى جىلى بارۋعا ۇسىنىلعان 50-توپ ورىنداردىڭ ىشىنە ەنگىزگەنىن اتاپ وتكەن ءجون. ءبىزدىڭ ەلىمىز شەتەلدىك قوناقتارعا ىڭعايلى بولۋى ءۇشىن 45 مەملەكەتكە ۆيزاسىز رەجىم ەنگىزدى. ەكسپو-2017 حالىقارالىق كورمەسى استانا قالاسىندا وتەتىنىنە قاراماستان, وڭتۇستىك مەگاپوليس – شىمكەنت قالاسىنا دا تۋريستەر كەلەدى دەپ كۇتىلۋدە. ايتپاقشى, ەكسپو-2017 قوناقتارى ءۇشىن شىمكەنت قالاسىنا, باسقا دا تاريحي قالالارعا, تابيعاتى كورىكتى ايماقتار مەن تابيعي قورىقتارعا, سونىمەن بىرگە, قاسيەتتى جەرلەرگە بارۋعا قامتىلعان ارنايى مارشرۋتتار ازىرلەنگەن. جالپى, تۋريستەردى تابيعات رۋحىنىڭ ميكسى, ەجەلگى داستۇرلەر مەن زاماناۋي ترەندتەر كۇتىپ تۇر. ءبىز سىزدەردى ەڭ ءدامدى, كۇن شۋاعى توگىلگەن جانە رۋحاني قالا – شىمكەنتپەن تانىسۋعا شاقىرامىز. ەرتەدە بۇل جەر ساۋدا, مادەنيەت پەن وركەنيەتتىڭ ورتالىعى بولعان جانە ۇلى جىبەك جولى وسى جەرمەن وتكەندىگىنىڭ ارقاسىندا قارقىندى دامي باستادى. بۇل, ارينە, جەرگىلىكتى سالت-داستۇرگە جانە تۇرعىلىقتى حالىقتىڭ مىنەز-قۇلقىنا وزىندىك ءىزىن قالدىردى. بۇگىندە شىمكەنت – شىعىستىڭ ءدامدى تاعامىمەن ايگىلى مەيماندوس قالالاردىڭ ءبىرى, مۇندا ەڭ قوناقجاي ادامدار تۇرادى. شىمكەنت حالقى ءاربىر قوناقتى جىلىۇشىراي جانە قۇشاق جايا قارسى الادى. شىمكەنت – ەرەكشە, قايتالانباس ەنەرگەتيكاسى بار قالا. دامۋدىڭ زاماناۋي ۇدەرىسى, بولاشاق امبيتسياسى مەن سالت-ءداستۇردى قۇرمەتتەۋدىڭ رۋحى تاماشا ۇيلەسكەن قالا. شىمكەنت – ءىرى مەگوپوليستەردىڭ ءبىرى, ماڭىزدىلىعى بويىنشا قازاقستانداعى ءۇشىنشى قالا, تۇرعىندارىنىڭ سانى ميلليونعا جاقىن. قالانىڭ ينفراقۇرىلىمى دامىعان, وعان حالىقارالىق اۋەجاي, تەمىر جول ۆوكزالى جانە بىرنەشە اۆتوۆوكزالدار ەنگەن. شىمكەنتتە اۆتوموبيل جولدارى مەن كوشەلەر جۇيەسى – قازاقستانداعى ەڭ ۇزاق تارتىلعان جولدار. قوزعالىستىڭ ەكولوگيالىق ءتۇرىن ۇناتۋشىلار مەن سالاماتتى ءومىر سالتىن ۇستانۋشىلار ءۇشىن استانالىق ۆەلوپروكاتتىڭ Shymkent Bike بالامالى جۇيەسى قىزمەت ەتەدى. ال اسىقپايتىندار مەن جاياۋ جۇرگىنشىلەر ءۇشىن قالا ءوزىنىڭ بارلىق كورىكتى جەرلەرىن عانا ەمەس, سونىمەن بىرگە, قالالىق ساياباقتىڭ قۇپيا ورىندارىن, تاريحي عيماراتتاردىڭ ەرەكشە كورىنىسىن جانە باسقا دا تاڭعالارلىق قۇپيالاردى كورسەتۋگە دايىن. شىمكەنت – ادەمى, قايتالانباس تابيعي لاندشافىمەن ايگىلى ساياباقتارى, كوپتەگەن سۋبۇرقاقتارى مەن ەسكەرتكىشتەرى بار قالا. شىمكەنتتە كوكتەمدە بولعاندار وسى قالانىڭ سيمۆولى بولعان, ءتۇرلى-ءتۇستى گۇلدەنگەن سان مىڭداعان قىزعالداقتاردى ۇمىتپايدى. ال كەيبىر دەرەكتەر بويىنشا, وڭتۇستىك قازاقستاننىڭ جەرى – قىزعالداقتاردىڭ وتانى سانالادى, ونى العاشقىدا تۇركيا, ال سونان سوڭ گوللاندياعا جەتكىزگەن دەيدى. جىل سايىن وسى تاماشا گۇلدەردى وتىرعىزۋدىڭ ناۋقانىنا اتسالىسۋعا دا بولادى. شىمكەنتتە قۇرامىنا ەلىمىزدەگى جالعىز جاساندى كول, حايۋاناتتار باعى جانە يپپودروم ەنگەن دەندروباق بار, بۇل – ەرەكشە دەمالىس ورنى. مەگاپوليس ماقتانىشىنىڭ ءبىرى – قالا تۇرعىندارىنىڭ سۇيىكتى جەرى, تۇلپار وزەنى جانىندا ورنالاسقان, جاڭارتىلعان ينفراقۇرىلىمى بار, ورتالىق ازياداعى ەڭ ءىرى Altyn Eye قالانى شولۋ دوڭگەلەگى. تاعى ءبىر ايگىلى ورىن قوشقار اتا بولىپ تابىلادى. شىمكەنت – سۋدىڭ كۇرە جولىنىڭ باستاۋىن قالادان الاتىن كوپتەگەن شاھارلاردىڭ ءبىرى جانە بىرەگەيى. كوپتەن بەرى وزەن جاعاسىندا تازا شىمكەنتتىك «سايل قوشقار اتا» مەرەكەسى اتالىپ وتەدى. مەرەكە اسىل تۇقىمدى قوشقاردىڭ اتاسىنا ارنالعان جانە ناۋرىز مەرەكەسى الدىندا ۇيىمداستىرىلادى. شىمكەنت پەن ونىڭ اينالاسىنداعى كورىكتى, تاماشا جەرلەر تۋرالى ايتا بەرۋگە بولادى. بىراق ءبىر رەت كوزبەن كورگەنگە نە جەتسىن! بۇل جەر تەك الىس شەتەلدىكتەر ءۇشىن عانا ەمەس, كورشىلەس تمد ەلدەرى, سونىمەن قاتار, باسقا وڭىرلەردە تۇراتىن قازاقستاندىقتار ءۇشىن دە قىزىقتى بولادى. ولار, ارينە, جان جىلۋىنىڭ ەنەرگياسىن سەزىنىپ, باعانىڭ قولجەتىمدىلىگى مەن دەمالۋدىڭ سان الۋان تۇرلىلىگىن لايىقتى باعالايدى دەگەن سەنىمدەمىز.
ديانا باتيششەۆا