استاناداعى مەملەكەتتىك قىزمەت سالاسىنداعى وڭىرلىك حاب اتقارۋشى كوميتەت توراعاسى اليحان بايمەنوۆ پەن اقش-تىڭ فەدەرالدى اتقارۋشى ينستيتۋتى (FEI) ديرەكتورى سيۋزان لوگان ادام رەسۋرستارىن باسقارۋ سالاسىندا اقپارات الماسىپ, ىنتىماقتاستىقتى دامىتۋ ماقساتىندا مەموراندۋمعا قول قويدى.
مەموراندۋم اۋقىمىندا وقىتۋ, ادام رەسۋرستارىن باسقارۋ مەن مەملەكەتتىك قىزمەتتە كوشباسشىلىقتى دامىتۋعا قاتىستى ساراپتامالىق ماتەريالدار, زەرتتەۋ ناتيجەلەرى جانە باسقا دا جاريالانىمدارمەن الماسۋ كوزدەلگەن. تاراپتار, سونداي-اق, مەملەكەتتىك باسقارۋ سالاسىندا بىرلەسكەن زەرتتەۋلەر جاساپ, ءوزارا ءبىلىم مەن تاجىريبە الماسۋ ءۇشىن مەملەكەتتىك قىزمەتكەرلەردىڭ وقىتۋ باعدارلامالارى, سەمينارلار, كۋرستار مەن ترەنينگتەرگە قاتىسۋىن قاراستىرعان.
FEI – جەتەكشى لاۋازىمداعى مەملەكەتتىك قىزمەتكەرلەردى وقىتۋ مەن ولاردىڭ بىلىكتىلىگىن ارتتىرۋ جولىمەن مەملەكەتتىك مەكەمەلەردىڭ قىزمەت جاقسارتۋدى كوزدەيتىن مەملەكەتتىك باسقارۋ سالاسىنداعى اقش-تىڭ فەدەرالدى وقىتۋ ورتالىعى.