مەملەكەت باسشىسى بارشا قازاقستاندىقتاردىڭ وتاندىق ەلەكتروموبيلمەن جۇرگەنىن ارماندايدى. بۇگىن جالپىۇلتتىق تەلەكوپىر بارىسىندا ەلباسى وسىلاي مالىمدەدى, دەپ حابارلادى قازاقپارات.
«ەلىمىز ماشينا جاساۋدان العاش رەت دامي باستادى. مەن تاياۋ ارالىقتا بارشا قازاقستان ەلەكتروموبيلمەن جۇرگەنىن ارماندايمىن. ولاردىڭ باعاسى قولجەتىمدى بولادى», – دەدى نازارباەۆ.
قازاقستان پرەزيدەنتى وسى رەتتە مۇنداي كولىكتەردى اۋاسى لاستانعان الماتى مەن وسكەمەن سەكىلدى قالالاردىڭ تۇرعىندارى قولدانۋى كەرەكتىگىن ايتتى.
«ەگەر تولىقتاي ەلەكتروموبيلگە اۋىستىرار بولساق, وندا اۋامىز تازارىپ ءارى ۇنەم جاسار ەدىك. ءبىز وسىعان جاقىنداپ كەلەمىز. جالپى العاندا, يندۋستريالاندىرۋ جىلدارى ىشىندە شامامەن 5 ترلن تەڭگەنىڭ مىڭنان استام جوباسى جۇزەگە اسىرىلدى. سونداي-اق, 100 مىڭ تۇراقتى جۇمىس ورنى قۇرىلدى», – دەدى ەلباسى.