شالقيا – دۇنيە جۇزىندەگى مىرىش وندىرەتىن ەڭ ءىرى بەس كەنىشتىڭ ءبىرى. بۇگىن استانادا يندۋستريالاندىرۋ كۇنى اياسىندا وتەتىن تەلەكوپىر بارىسىندا قورعاسىن مەن مىرىشتى ءوندىرۋ ءۇشىن پوليمەتاللداردى ءوندىرىپ جانە بايىتۋ جوباسى تانىستىرىلادى, دەپ حابارلايدى قىزىلوردا وبلىسى اكىمدىگىنىڭ ءباسپاسوز قىزمەتى.
وندا قۇنى 165 ملرد تەڭگە تۇراتىن يننوۆاتسيالىق تىك-كونۆەيەرلى رۋدانى شىعارۋ تەحنولوگياسى قولدانىلادى. تولىقتاي ىسكە قوسىلعان كەزدە مىڭ بەس ءجۇز (1500) جاڭا جۇمىس ورنى اشىلادى. «شالقيا» تاۋەلسىز ەلىمىزدى الەمدىك مىرىش نارىعىنداعى نەگىزگى وندىرۋشىگە اينالدىرادى. ونىمگە دەگەن سۇرانىس وتە جوعارى.
كەن ورنى جاڭاقورعان اۋدانىندا ورنالاسقان. كاسىپورىن 2018 جىلدان باستاپ 2 ملن تونناعا دەيىن كەن وندىرسە, 2020 جىلدان باستاپ ونىڭ قۋاتىن جىلىنا 4 ملن تونناعا دەيىن جەتەدى. نارىقتا ونىڭ ونىمدەرىن تمد ەلدەرى مەن الىس-جاقىن وزگە دە مەملەكەتتەر پايدالاناتىن بولادى. اۋەلدە مىڭ جارىم ادام جۇمىسپەن قامتىلسا, مەردىگەر كومپانيالاردى تارتۋ بارىسىندا تاعى دا مىڭ ادامعا جۇمىس ورنى اشىلادى دەپ جوسپارلانۋدا.