قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا «م ۇلىكتى جاريا ەتۋ بويىنشا وتكىزىلىپ جاتقان اكتسيانىڭ بارىسى تۋرالى» بايانداما جاساعان قر قارجى ءمينيسترى باقىت سۇلتانوۆ جاريا ەتۋ اكتسياسىنان سوڭ قىلمىستىق, اكىمشىلىك جانە سالىق بويىنشا راقىمشىلىق جاسالمايتىنى تۋرالى ايتتى.
«جاريا ەتۋ جونىندەگى ناۋقان اياقتالعاننان كەيىن ازاماتتارعا قىلمىستىق, اكىمشىلىك جانە سالىقتار بويىنشا راقىمشىلىق جاساۋ قولدانىلمايدى. قازىر دە بىزدە ازاماتتاردىڭ قازاقستاننان تىسقارى ورنالاسقان م ۇلىكتەرىن قاداعالاۋعا مۇمكىندىك بەرەتىن مەحانيزمدەرى بار. شەتەلدەگى كاپيتالى دەكلاراتسيالاۋ تۋرالى سالىق كودەكسىنىڭ قولدانىستاعى نورمالارىن ەشكىم جويعان جوق ەكەندىگىن دە ەسكە سالعىم كەلەدى», - دەدى ول.
مينيستر ايتىپ وتكەندەي, قازىرگى ۋاقىتتا 712 ازاماتتىڭ 52 ۆاليۋتادا قاراجاتتارىن شەت ەلدەردىڭ بانكتەرىندە ساقتاپ وتىرعانى بەلگىلى. سونىمەن, ەگەر تەك كەڭ تارالعان ءۇش ۆاليۋتاعا توقتالساق, 517 ملن. دوللاردى 240 ازامات, 30 ملن. ەۆرونى 237 ازامات جانە 23 ملن. فۋنت ستەرلينگتى 123 ازامات دەكلاراتسيالاعان.
«بۇدان تىس, 2017 جىلدان باستاپ كەز-كەلگەن شەتەلدەگى م ۇلىكتەردى مىندەتتى تۇردە دەكلاراتسيالاۋ تۋرالى سالىق كودەكسىنىڭ نورمالارى قولدانىسقا ەنگىزىلەدى. وسى مىندەتتەمەلەردى بۇزۋشى ازاماتتاردى جانە مالىمەتتەردىڭ راستىعىن ءبىزدىڭ سالىق ىستەرى بويىنشا ءوزارا اكىمشىلىك كومەك كورسەتۋ تۋرالى ستراسبۋرگ كونۆەنتسياسىندا راتيفيكاتسيالاعاندارىمىز ارقىلى تەكسەرەتىن بولامىز», - دەدى مينيستر.
ارنۇر اسقار, "ەگەمەن قازاقستان".