بۇگىن قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا قر قارجى ءمينيسترى باقىت سۇلتانوۆ «م ۇلىكتى جاريا ەتۋ بويىنشا وتكىزىلىپ جاتقان اكتسيانىڭ بارىسى تۋرالى» ماسەلەلەرگە قاتىستى بايانداما جاسادى. ءمينيستردىڭ ايتۋىنشا, بۇگىنگى كۇنگە 4 ترلن. تەڭگە, ونىڭ ىشىندە 1,1 ترلن. تەڭگە سومادا م ۇلىك, 2,9 ترلن. تەڭگەگە اقشا جاريا ەتىلدى.
بۇل رەتتە, جاريا ەتىلگەن 399,2 ملرد. تەڭگە (14%) قاراجات شەتەلدەگى بانك شوتتارىنان اۋدارىلدى.
«م ۇلىكتى جاريا ەتۋ اكتسياسىنىڭ اياقتالۋىنا ءبىر اي قالعانى بەلگىلى. ءبىز كۇتكەنىمىزدەي, اكتسيانىڭ سوڭعى ايلارىندا قارقىننىڭ جوعارىلاۋى بايقالۋدا»,- دەدى ب.سۇلتانوۆ.
ونىڭ ايتۋىنشا, ەلدىڭ اۋماعىندا ورنالاسقان م ۇلىك بويىنشا, جاريا ەتۋدىڭ ورتاشا ايلىق قۇنى اعىمداعى جىلعى 9 اي ىشىندە 45 ملرد. تەڭگەنى قۇراسا, قازان ايىندا جاريا ەتۋ سوماسى 56 ملرد. تەڭگەنى قۇرادى, ال قاراشا ايىندا بۇل سوما 114 ملرد. تەڭگەگە جەتتى, ياعني, جىلدىڭ باسىنان 2,5 ەسەگە ءوستى, ال ەگەر 2014-2015 جىلدارداعى كورسەتكىشتەرمەن سالىستىراتىن بولساق, 4,3 ەسەگە ارتقاندىعى بايقالادى.
ارنۇر اسقار, "ەگەمەن قازاقستان".