"استانا" فۋتبول كومانداسىنىڭ جارتىلاي قورعاۋشىسى جانە سەربيا قۇراماسىنىڭ ويىنشىسى نەمانيا ماكسيموۆيچتى پرەمەر-ليگادا 17-ورىندا تۇرعان انگليا كلۋبى باقىلاپ ءجۇر, دەپ حابارلايدى Vesti.kz The Sunday People باسىلىمىنا سىلتەمە جاساپ.
گازەتتىڭ حاباراۋىنشا, لوندوندىق كلۋب "استاناعا" فۋتبولشىنىڭ ترانسفەرى ءۇشىن 1 ملن 904 مىڭ ەۋرو تولەۋگە دايىن.
ماكسيموۆيچتىڭ "استانامەن" كەلىسىمشارتى 2017 جىلى ماۋسىم ايىندا بىتەدى. فيفا ەرەجەسى بويىنشا, ول قاڭتار ايىندا كەز كەلگەن كلۋبپەن الدىن الا كەلىسىم جاساي الادى.
21 جاستاعى ماكسيموۆيچ "استانا" ساپىندا 2015 جىلدىڭ اقپانىنان بەرى ويناپ ءجۇر.
ەستەرىڭىزگە سالا كەتسەك, ماكسيموۆيچتىڭ شەتەلدىك كلۋبتارعا اۋىسۋى تۋرالى اقپارات ءجيى ايتىلىپ ءجۇر. بۇدان بۇرىن باق وعان اعىلشىن كومانداسى "مانچەستەر يۋنايتەد", ليسسابوندىق "سپورتينگ", يتاليا كومانداسى "ميلان", "روما", "تورينو", "ينتەر" مەن "دجەنوا", ماسكەۋلىك "سپارتاك", شۆەيتساريالىق "بازەل", نەمىس "نيۋرنبەرگ", "اينتراحت" ي "گامبۋرگ", فرانتسۋزداردىڭ "وليمپيك مارسەل", "ليون", "نانت" ي "موناكو" كوماندالارى قىزىعۋشىلىق تانىتقانىن جازعان ەدى.