قىزىلوردادا سىرداريانىڭ سول جاعالاۋىن يگەرۋ جونىندەگى شتاب قۇرىلدى. بۇل تۋرالى قىزىلوردا وبلىسىنىڭ اكىمى قىرىمبەك كوشەرباەۆ مالىمدەدى.
«وزدەرىڭىز بىلەتىندەي, بۇگىندە وبلىس اكىمدىگىنىڭ قىزمەتىندەگى باسىم باعىتتاردىڭ ءبىرى – قىزىلوردا قالاسى اۋماعىنداعى سىرداريا وزەنىنىڭ سول جاعالاۋىن يگەرۋ. جوسپارعا سايكەس, سول جاعالاۋدا 90 مىڭ تۇرعىنى بار وبلىس ورتالىعىنىڭ جاڭا بولىگى سالىنادى. 13 جەلتوقسان كۇنى قىزىلوردا قالاسىنىڭ باس جوسپارىمەن كوزدەلگەن ءۇش كوپىردىڭ ءبىرىنشىسى پايدالانۋعا بەرىلەدى», - دەدى وبلىس اكىمى.
سول جاعالاۋدى يگەرۋ بويىنشا ارنايى شتاب قۇرىلدى. شتابتىڭ جۇمىسشى ورگانى رەتىندە «بايقوڭىر» الەۋمەتتىك-كاسىپكەرلىك كورپوراتسياسى» اكتسيونەرلىك قوعامى بەكىتىلدى. «بايقوڭىر» الەۋمەتتىك – كاسىپكەرلىك كورپوراتسياسى» اكتسيونەرلىك قوعامىنىڭ باسقارما توراعاسىنىڭ سول جاعالاۋدىڭ قۇرىلىس جۇمىستارىمەن اينالىساتىن ءبىرىنشى ورىنباسارى بولىپ ەرجان ابدىقالىقوۆ تاعايىندالدى.