بۇگىن "ەگەمەن قازاقستان" رەسپۋبليكالىق گازەتى" اكتسيونەرلىك قوعامى ديرەكتورلار كەڭەسىنىڭ وتىرىسى ءوتىپ, ونىڭ شەشىمى بويىنشا قوعامنىڭ باسقارما مۇشەلەرى قۇرامىندا وزگەرىستەر بولدى. باسقارما توراعاسىنىڭ جاڭا ورىنباسارلارى بولىپ جاندوس بəدەل ۇلى جəنە ايبىن شاعالاقوۆ تاعايىندالدى.
وسى شەشىمگە سəيكەس, احمەتقالي ۋتيگاليەۆ باسقا جۇمىسقا اۋىسۋىنا بايلانىستى باسقارما توراعاسىنىڭ ورىنباسارى قىزمەتىنەن بوساتىلدى. ال ەركىن قىدىر باسقارما توراعاسىنىڭ ورىنباسارى قىزمەتىنەن بوساتىلىپ, باسقارما توراعاسىنىڭ كەڭەسشىسى بولىپ تاعايىندالدى.
سونىمەن قاتار بۇگىن باسقارما توراعاسىنىڭ شەشىمىمەن گازەتتىڭ ءبولىم باسشىلارى قىزمەتىن اتقارىپ كەلگەن سەيفوللا شايىنعازى مەن عابيت مۇسىرەپ باس رەداكتوردىڭ ورىنباسارلارى بولىپ تاعايىندالدى.