جاڭا ەلەمەنت جاپونيانىڭ RIKEN ينستيتۋتىندا 2004 جىلى انىقتالعان بولاتىن. جاقىندا وعان رەسمي تۇردە «نيحوني» (nihonium) دەگەن اتاۋ بەرىلدى, دەپ حابارلايدى تاسس.
ەلەمەنتتىڭ اتاۋى ەلدىڭ قوسالقى اتاۋلارىنىڭ ءبىرى – «نيحون» ءسوزىنىڭ نەگىزىندە الىنعان. نيحوني – مىرىش پەن ۆيسمۋتتىڭ يادروسىن بىرىكتىرۋ ناتيجەسىندە شىعارىلعان ەلەمەنت. بۇعان دەيىن وعان بەيرەسمي تۇردە لاتىنشا «ۋنۋنتۋري» دەگەن اتاۋ بەرىلگەن-ءدى.
بيىل جازدا حالىقارالىق تەوريالىق جانە قولدانبالى حيميا وداعى جاڭا ەلەمەنتتەرگە اتاۋ بەرۋ جونىندە ۇسىنىستار شىعارعان. اتومدىق ءنومىرى 113, 115, 117 جانە 118 دەپ كەلەتىن ەلەمەنتتەردى نيحوني, موسكوۆي (ماسكەۋدىڭ اتىنا وراي), تەنەسسين جانە وگانەسسون (اكادەميك يۋري وگانەسياننىڭ قۇرمەتىنە) دەپ اتاۋ ۇسىنىلعان بولاتىن.