قازاقستان ۋربانيزاتسيا دەڭگەيi بويىنشا بۇگiندە ورتالىق ازيادا كوش باستاپ تۇر. بۇل تۋرالى استانادا ءوتiپ جاتقان حالىقارالىق ASTEX Astana Smart City فورۋم-كورمەسى بارىسىندا اقپارات جانە كوممۋنيكاتسيالار مينيسترi داۋرەن اباەۆ مالىمدەدى.
«قازىر قالالىق ءومiردiڭ بارلىق سالالارىنا اقپاراتتىق جۇيەلەردi ەندiرۋ حالىقتىڭ ساپالى ءومiرiنiڭ اجىراماس شارتىنا اينالىپ وتىر. دۇنيە جۇزىندە ۋربانيزاتسيا پروتسەسi دامىپ كەلەدi. بۇۇ-نىڭ مالىمەتىنە سايكەس, 2050 جىلعا قاراي الەمدەگi حالىقتىڭ 70 پايىزى قالالاردا تۇراتىن بولادى. بۇل ءوز كەزەگىندە كولiك جانە تۇرعىن ۇيمەن قامتۋ جۇيەسiندە قيىندىقتار تۋدىرادى, سونداي-اق ەنەرگيانى وڭتايلى پايدالانۋ مەن قورشاعان ورتاعا قامقورلىق تانىتۋدىڭ وزەكتiلiگi ارتىپ وتىر. مۇنداي قيىن ماسەلەلەردi شەشۋدە دۇرىس شارا قولدانۋىمىز كەرەك», – دەدi مينيستر.
ونىڭ ايتۋىنشا, بۇل ورايدا اقپاراتتىق-كوممۋنيكاتسيالىق تەحنولوگيالار شەشۋشi ءرول اتقارادى. دامىعان ەلدەر پوستيندۋستريالىق ءداۋiر قالالارىن دامىتۋ ءۇشiن بۇل مۇمكiندiكتەردi تولىققاندى پايدالانۋدا.
«اقىلدى ەنەرگەتيكا», تiپتi «قالدىقتاردى اقىلدى باسقارۋ» سەكىلدى ءسوز تiركەستەرi بۇگىندە ەشكiمدi تاڭ قالدىرمايدى. حالىقارالىق اقپاراتتارعا سايكەس, اقىلدى قالالاردا ينتەرنەت قۇرىلعىلارعا قوسىلعان تۇتىنۋشىلاردىڭ سانى 2015 جىلعى 1 ميلليوننان 2018 جىلى 3 ميللياردقا جەتەدi», – دەدi د.اباەۆ.
«جاھاندىق ەكونوميكا مەن تەحنولوگيالىق نارىقتان قالىس قالماۋ اسا ماڭىزدى. قازاقستاندا ۋربانيزاتسيا دەڭگەيi 60 پايىزعا جەتەدi جانە وسى كورسەتكiش بويىنشا بiز ورتالىق ازيادا كوش باستادىق. بۇل پروتسەستiڭ جارقىن ۇلگiسi بiزدiڭ جاس استانامىز بولىپ وتىر», – دەپ اتاپ ءوتتى ول.