بۇگىن ساعات 22:00-دە «استانا ارەنا» الاڭىندا «استانا» (قازاقستان) مەن اپوەل (كيپر) اراسىندا فۋتبول ماتچى وتەدى. وسىعان وراي ساعات 20.00-دە قابانباي باتىر جانە تۇران داڭعىلىنىڭ كەرەي مەن جانىبەك حاندار كوشەسىنەن حۋسەين بەن تالال كوشەسىنە دەيىن جول قوزعالىسى توقتاتىلادى, دەپ حابارلادى ەلوردا اكىمدىگىنىڭ ءباسپاسوز قىزمەتى.
تىيىم ماتچ اياقتالعانعا دەيىن سوزىلادى. جۇرگىزۋشىلەر ماڭگىلىك ەل كوشەسىمەن اينالىپ وتە الادى.
استانا ءىىد جەرگىلىكتى پوليتسيا قىزمەتى جۇرگىزۋشىلەردەن جولدا مۇقيات بولۋىن سۇرايدى. استانا حالىقارالىق اۋەجايىنا جول ءجۇرۋدى جوسپارلاعان ازاماتتارعا جانە جاقىن اۋداندارداعى تۇرعىندارعا الدىن-الا بالامالى جول قوزعالىسىن جوسپارلاۋدى ۇسىندى.
جانكۇيەرلەردى جيناۋ مەن جەتكىزۋ ارنايى رەيستەرمەن بەس پۋنكتتەن مىنا مەكەنجاي بويىنشا جۇرگىزىلەدى:
1) «قازاقستان» سك كولىك تۇراعىنان (قاجىمۇقان كوشەسى);
2) «ازىرەت سۇلتان» مەشىتىنەن (قوشقارباەۆ داڭعىلى);
3) «نۇر استانا» مەشىتىنەن (شىعىس جاعىنىڭ كولىك تۇراعى );
4) قالالىق تسيرك كولىك تۇراعىنان (قورعالجىن شوسسەسى كولىك تۇراعى);
5) مۇڭايتپاسوۆ اتىنداعى الاڭ كولىك تۇراعىنان (كەنەسارى كوشەسى).
استانا ءىىد جەرگىلىكتى پوليتسيا قىزمەتى ەلوردا تۇرعىندارى مەن قوناقتارىنا جاپپاي ءىس-شارا بارىسىندا ءتارتىپ پەن تازالىق ساقتاۋعا كەڭەس بەردى.