قازاقستان تۋريزم يندۋسترياسىن دامىتىپ جاتقان كوپتەگەن ەلدىڭ تۋريستىك دونورى بولىپ تابىلادى. بۇل جونىندە فەيسبۋك پاراقشاسىندا ينۆەستيتسيا جانە دامۋ مينيسترلىگى تۋريزم يندۋسترياسى دەپارتامەنتىنىڭ ديرەكتورى مارات يعالي مالىمدەدى.
2001-2015 جىلدارى قازاقستانعا كەلگەن رەزيدەنتتەر بولىپ تابىلمايتىندار سانى 59 489 294 ادامدى قۇراعان. الايدا وسى ۋاقىت ارالىعىندا ەل اۋماعىنان وزگە ەلدەردە دەمالۋعا 83 771 998 قازاقستاندىق شىعىپتى.
15 جىلداعى جاعىمسىز ايىرما - 24 282 704 ادام. مۇنداي ءۇردىستىڭ باستى سالدارى ەل كاپيتالىنىڭ سىرتقا كەتۋى بولىپ تابىلادى. سوڭعى جىلدارى قازاقستاننان سىرتقا شىققان تۋريستەر سانى ەلگە كەلۋشىلەرگە قاراعاندا 1,5-2 ەسە اسىپ كەتتى جانە ەلدىڭ تولەم بالانسىندا تۋريستىك سالدو ۇنەمى تەرىس بولۋدا.
2015 جىلى سالدو مينۋس 400 ميلليون دوللارعا جەتتى.