«سامۇرىق-قازىنا» ۇلتتىق ءال-اۋقات قورى» اق باسشىلىعىنىڭ جەدەل ارالاسۋى الماتى وڭىرىندەگى كولىك تىعىرىعىنىڭ الدىن الۋعا مۇمكىندىك بەردى.
سوڭعى كەزدە الماتى قالاسى مەن الماتى وبلىسىن جانار-جاعار مايمەن قامتاماسىز ەتۋدە كۇردەلى جاعدايدىڭ قالىپتاسا باستاعانى بەلگىلى. اسىرەسە, بارىنشا قاجەتتى اي-92 ماركالى بەنزين مەن ديزەل وتىنىنىڭ جەتىسپەۋشىلىگى قاتتى سەزىلدى.
وسىعان بايلانىستى قور جەدەل تارتىپپەن ججم جەتكىزۋ باعىتتارىنا تۇزەتۋ ەنگىزدى جانە مۇناي وڭدەۋ زاۋىتتارىنان اقشىل مۇناي ءونىمدەرىنىڭ قوسىمشا كولەمدەرىن قارقىندى جونەلتۋدى ۇيىمداستىردى. اتىراۋ مۇناي وڭدەۋ زاۋىتىنان جونەلتۋ تاۋلىگىنە 157-دەن 734 تونناعا دەيىن, پاۆلودار مۇناي-حيميا زاۋىتىنان – 1066-دان 2285 دەيىن, پەتروقازاقستان ويل پروداكتستان – تاۋلىگىنە 985-تەن 1675 تونناعا دەيىن ۇلعايتىلدى.
«سامۇرىق-قازىنا» ۇاق باسشىلىعى تاراپىنان ۇيلەستىرۋدىڭ ارقاسىندا مۇناي ونىمدەرى ءۇشىن بوس جىلجىمالى قۇرامدى كىدىرىسسىز بەرۋ قامتاماسىز ەتىلدى.
قازىرگى كەزدە اي-92 ماركالى بەنزين «قازمۇنايگاز» جانە «سينوويل» كومپانيالارىنىڭ ماي قۇيۋ ستانسالارىندا شەكتەۋسىز ساتىلادى. اقشىل مۇناي ونىمدەرىنىڭ قوسىمشا كولەمى «گەليوس» جقس-قا دا اي-92 ماركالى بەنزيندى شەكتەۋسىز ساتۋعا مۇمكىندىك بەردى. «رويال پەترول» جەكەلەگەن جقس دا ساتۋعا كىرىستى.
ديزەل وتىنىن الماتى قالاسى مەن الماتى وبلىسىنا جونەلتۋدى ۇلعايتۋ جالعاسۋدا. «قازمۇنايگاز ونiمدەرi» اق الماتى فيليالى الماتى قالاسى مەن الماتى وبلىسىنىڭ اكىمدىكتەرىمەن, سونداي-اق قوعامدىق كولىك كاسىپورىندارىمەن ديزەل وتىنىمەن قامتاماسىز ەتۋ بويىنشا جۇمىس جۇرگىزۋدە, – دەپ حابارلادى سامۇرىق-قازىنا» ۇلتتىق ءال-اۋقات قورى» اق-تىڭ باسپاسوز قىزمەتى.