كەيىنگى جىلدارى ەلىمىزگە ازيا ەلدەرىنەن كەلەتىن ينۆەستيتسيا كولەمى ايتارلىقتاي ارتتى. ەۋرازيالىق دامۋ بانكىنىڭ دەرەگىنشە, اسىرەسە ءبىزدىڭ ەل ورتالىق ازياداعى نەگىزگى ينۆەستيتسيا قابىلداۋشى ەلدەردىڭ بىرىنە اينالىپ وتىر, دەپ جازادى Egemen.kz.
جالپى العاندا, 2016 جىلدان باستاپ 2025 جىلدىڭ ءبىرىنشى جارتىجىلدىعىنا دەيىن ازيا ەلدەرىنەن ەۋرازيالىق وڭىرگە تارتىلعان جيناقتالعان ينۆەستيتسيالار كولەمى 2,3 ەسەگە ءوسىپ, 29,9 ملرد دوللاردان 68 ملرد دوللارعا جەتكەن. بۇل – بۇرىن-سوڭدى بولماعان كورسەتكىش. ينۆەستورلارعا ورتالىق ازيا بارعان سايىن قىزىقتى وڭىرگە اينالىپ كەلە جاتقانىن وسى سانداردىڭ ءوزى-اق اڭعارتادى.
پرەزيدەنت: جاڭا ءارى ساپالى ينۆەستيتسيا تارتۋعا ارنالعان ءبىرتۇتاس ستراتەگيا قاجەت
2025 جىلدىڭ العاشقى 6 ايىنىڭ قورىتىندىسى بويىنشا, ازيادان كەلگەن بارلىق جيناقتالعان تىكەلەي ينۆەستيتسيانىڭ 57%-ى ءدال ورتالىق ازيا ەلدەرىنە تيەسىلى بولعان. ەلدەرگە جەكە-جەكە قاراساق, ينۆەستيتسيا كولەمى جاعىنان وزبەكستان الدىڭعى ورىندا تۇر. بۇل ەلگە ازيادان 22,6 ملرد دوللار تارتىلعان. ودان كەيىن تۇرىكمەنستان كەلەدى, وندا ينۆەستيتسيا كولەمى 20,6 ملرد دوللاردى قۇراعان. قازاقستان بۇل تىزىمدە 19,3 ملرد دوللارمەن 3-ورىندا تۇر. قالعان ۇلەس قىرعىزستان مەن تاجىكستانعا تيەسىلى.
2029 جىلى نەگىزگى كاپيتالعا سالىناتىن ينۆەستيتسيالار 2,5 ەسە ارتادى
ەلىمىزدىڭ ەكونوميكاسىنا سالىنعان 19,3 ملرد دوللاردىڭ نەگىزگى بولىگى قىتاي, پارسى شىعاناعى ەلدەرى, تۇركيا جانە ءۇندىستان كومپانيالارىنان كەلگەن. كەيىنگى جىلدارى اسىرەسە پارسى شىعاناعى ەلدەرىنىڭ بەلسەندىلىگى ارتىپ, ينۆەستيتسيالىق ءوسىمنىڭ ماڭىزدى قوزعاۋشى كۇشىنە اينالعانى بايقالادى.
تەحنولوگيالىق الپاۋىتتار جاساندى ينتەللەكتىگە 700 ملرد دوللار ينۆەستيتسيا سالدى
سالالار بويىنشا دا ايتارلىقتاي وزگەرىس بار. بۇرىن ازيا ينۆەستيتسياسىنىڭ نەگىزگى بولىگى شيكىزات سەكتورىنا باعىتتالسا, قازىر جاعداي وزگەرىپ كەلەدى. 2025 جىلدىڭ ورتاسىنا قاراي وڭدەۋشى ونەركاسىپ الدىڭعى قاتارعا شىعىپ, ءوزارا تىكەلەي ينۆەستيتسيالاردىڭ ەلەۋلى بولىگىن قۇراعان. سونىمەن قاتار ەنەرگەتيكا سالاسى دا ينۆەستورلاردىڭ نازارىن كوبىرەك تارتا باستادى. اسىرەسە ەلەكتر ەنەرگەتيكاسى مەن جاڭارتىلاتىن ەنەرگيا كوزدەرى جاڭا ينۆەستيتسيالىق باعىت رەتىندە قالىپتاسىپ وتىر.