جەمقورلىقپەن كۇرەس شارالارى ودان ءارى كۇشەيتىلەدى

كەشە اقوردادا قازاقستان رەسپۋبليكاسىنىڭ مەملەكەتتىك حاتشىسى قانات ساۋ­دا­باەۆتىڭ توراعالىق ەتۋىمەن قازاقستان رەسپۋبليكا­سى­نىڭ پرەزيدەنتى جانىن­دا­عى سىبايلاس جەم­قور­لىققا قارسى كۇرەس ماسەلەلەرى ءجو­نىندەگى كوميسسيانىڭ وتى­رىسى بولىپ ءوتتى. مەملەكەتىمىزدىڭ سىبايلاس جەم­قورلىققا قارسى سترا­تە­گيا­سىن ىسكە اسىرۋ ءۇشىن اۋقىمدى جۇمىستار اياسىندا ەلباسى نۇر­سۇلتان ءابىش ۇلى نازارباەۆتىڭ تاپسىرماسى بويىنشا سىبايلاس جەمقورلىققا قارسى كۇرەستى كۇ­شەيتۋ جانە قۇقىق قورعاۋ جۇيە­سىنىڭ رەفورماسىن جۇرگىزۋ باعى­تىندا ودان ءارى ءتيىستى شارالار قابىلدانىپ جاتىر, دەدى قانات ساۋداباەۆ كوميسسيا وتىرىسىن اشارداعى سوزىندە. وسىلاي دەي كەلىپ, مەملەكەتتىك حاتشى ەلباسىنىڭ پارلامەنتتە سويلەگەن سوزىنە توقتالىپ ءوتتى. دەگەنمەن, دەدى وسى تۋرالى ق.ساۋداباەۆ, مەملەكەت باسشىسى ءتورتىنشى شاقىرىلىمداعى پار­لا­مەنتتىڭ بەسىنشى سەسسياسىنىڭ اشىلۋىندا سويلەگەن سوزىندە: «قۇ­قىق قورعاۋ ءتارتىبىن نىعاي­تۋ­دىڭ ماڭىزدى اسپەكتىسى – سى­باي­لاس جەمقورلىققا قارسى ىمىرا­سىز كۇرەس. سىبايلاس جەمقور­لىق­قا قارسى زاڭنامانى وسى دەرتتىڭ العىشارتتارىن بولدىرمايتىن ناقتى نورمالارمەن تولىقتىرۋ قاجەت», دەپ اتاپ كورسەتكەن ەدى. سوندىقتان سىبايلاس جەمقور­لىق­تىڭ كورىنىستەرىمەن تابىستى كۇرەسۋ ءۇشىن قىسقا مەرزىم ىشىندە زاڭدى كۇشى بار ناقتى دا ايقىن قۇقىقتىق نورمالار بازا­سىن كۇ­شەيتۋ قاجەت. وسىنداي ءتاسىل پرە­زيدەنتتىڭ سىبايلاس جەمقور­لىق­پەن كۇرەستەگى ۇستا­نىم­دارىن ىسكە اسىرۋعا ءسوزسىز مۇمكىندىك بەرەدى. وتىرىستا مەملەكەتتىك ورگان­دار­دىڭ كوشى-قون زاڭناماسىن قول­دانۋ جونىندەگى قىزمەتىنە پرو­كۋراتۋرا ورگاندارىنىڭ ءجۇر­گىزگەن تەكسەرۋ ناتيجەلەرى مەن اقمولا جانە الماتى وبلىستارى اكىمدىكتەرىنىڭ سىبايلاس جە­م­قور­لىق­قا قارسى كۇرەستىڭ ايماقتىق ماسەلەلەرىن ىسكە اسىرۋدا قابىل­داپ جاتقان شارالارى بويىنشا باس پروكۋروردىڭ ءبىرىنشى ورىن­باسارى ي.مەركەلدىڭ, ىشكى ىستەر ءمينيسترى ق.قاسىموۆتىڭ, سونداي-اق اتالعان وبلىستاردىڭ اكىمدەرى س.دياچەنكو مەن ا.مۇساحانوۆتىڭ باياندامالارى تىڭدالدى. وتىرىستىڭ قورىتىندىسىندا كوميسسيا ىشكى ىستەر مينيسترلىگىنە, اقمولا جانە الماتى وبلىس­تارىنىڭ اكىمدەرىنە حالىقتىڭ كوشى-قونىن رەتتەۋ سالاسىندا سىبايلاس جەمقورلىقتىڭ الدىن الۋدى ودان ءارى جەتىلدىرۋ, سونداي-اق سىبايلاس جەمقورلىققا قارسى ءىس-قيمىلدىڭ 2011-2015 جىل­دار­عا ارنالعان باعدارلاماسىن جۇزەگە اسىرۋ بويىنشا پارمەندى شارالار قابىلداۋ جونىندە ناقتى ۇسىنىمدار جاسادى. ءاليسۇلتان قۇلانباي.