بيۋدجەت: دەرەك پەن دايەك

157 607 080 000 بيىل 8 ايدا  بيۋدجەتكە تۇسكەن كەدەندىك تولەمدەر مەن سالىقتار كولەمى وسىنشا تەڭگەنى قۇرادى. قازاقستان, رەسەي, بەلارۋس ەلدەرى قۇرعان كەدەن وداعىنا بايلانىستى ەل شەبىندەگى كەدەن بەكەتتەرى جابىلعانمەن, كورشى­لەس مەملەكەتتەر اراسىنداعى با­رىس-كەلىس, الىس-بەرىس توق­تا­عان جوق. سىرتقى ساۋدادا دا تاۋار اينالىمىنىڭ كورسەتكىشى تومەندەمەدى. كەدەندىك تۇسىمدەر مەن سالىقتار ءوستى. ماسەلەن, بيىلعى 8 ايدا اتىراۋدا كەدەندىك تولەمدەر مەن سالىقتار ءتۇسىمى 157 ميلليارد 607 ميلليون 80 مىڭ تەڭگەنى قۇرادى. بۇل – وتكەن جىلدىڭ وسى كەزە­ڭىن­دەگى كورسەتكىشپەن سالىستىر­عان­دا 4,2 ەسە كوپ دەگەن ءسوز. سونىمەن قاتار, سىرتقى ساۋدا اينالىمىندا دا قارقىندى جاندانۋ بار. جىل باسىنان بەرگى  8 ايدا سىرتقى ساۋدا اي­نالىمى  18 ميلليارد 373 ميلليون اقش دوللارىن قۇراپ, بىل­تىرعىدان 38,8  پايىزعا ۇلعايعان.

جولداسبەك شوپەعۇل. اتىراۋ وبلىسى. 

59 623 2011 جىلدىڭ ەكىنشى توقسانىندا وبلىس بويىنشا ورتاشا ەڭبەكاقىنىڭ كورسەتكىشى وسىنشا تەڭگەنى قۇرادى. بۇل – وتكەن جىلدىڭ سايكەس مەرزىمىمەن سالىستىرعاندا 6,8 پايىزعا ارتىق. جالاقىنىڭ ورتاشا كورسەتكىشى كۇنكورىس دەڭ­گەيى­نەن 4 ەسە, ەڭ تومەنگى ەڭ­بەك­اقى مولشەرىنەن 3,7 ەسە اسىپ ءتۇستى. وسى مەرزىمدە ەڭ جوعارى جال­­اقى قارجى جانە ساقتان­دى­رۋ قىزمەتى سالاسىندا (87 724 تەڭگە) تىركەلدى. بۇل – وبلىستىق ورتاشا كورسەتكىشتەن 1,5 ەسە كوپ. سون­داي-اق, ستەپنوگور, كوك­­شەتاۋ قا­لالارىندا, ەڭبەك­شىلدەر, زەرەندى جانە بۋراباي اۋداندارىندا ەڭ­بەك­اقى مولشە­رى ورتا دەڭگەيدەن جوعارى بول­دى. اتالعان وڭىر­لەردەگى كورسەت­كىش 60 471 مەن 68 199 تەڭگە ارالىعىندا. جاقسى اۋدانىندا ايلىق جال­اقىنىڭ ورتاشا دەڭگەيى 44 415 تەڭگەنى قۇراپ, وبلىستاعى ەڭ تومەنگى كورسەتكىش تىركەلىپ وتىر.

باقبەرگەن امالبەك. اقمولا وبلىسى. 

1 272 سوڭعى جىلدارى «ديپلوممەن – اۋىلعا» جولداماسىمەن ەلدە ەڭبەك ەتىپ, قىزمەت جاساۋعا وسىنشاما جاس مامان كەلىپتى  جاس مامانداردىڭ اراسىندا 1049 مۇعالىم, 201 دارىگەر, 22 مادەنيەت قىزمەتكەرى بار. اۋىل­عا كەلگەن وسى جاستاردىڭ بار­لىعى دا مەملەكەت تاپسىر­ما­سى­نا وراي ءتيىستى قولداۋعا يە بول­دى. ياعني, جاس ماماندارعا 70 مىڭنان 500 مىڭ تەڭگەگە دەيىن جەرگىلىكتى بيۋدجەتتەردەن كومەك كورسەتىلدى. وتكەن جىلى جەڭىلدەتىلگەن نەسيە جۇيەسى ارقىلى 156 جاس ما­مان ءۇي الدى. بيىل ولارعا ارنالعان اۋىلداعى, اۋدان ور­تا­لىقتارىنداعى نەسيە جۇيەسىمەن الىناتىن پاتەر قۇنى تومەن­دە­مەك­شى. بۇل جوو بىتىرگەن جاس­تار­دى اۋىلعا شاقىرۋعا جاقسى جول اشادى.

فاريدا بىقاي. پاۆلودار.