«2017 جىلعى 1 قاڭتارداعى جاعداي بويىنشا قازاقستاندا «تازا» ينۆەستيتسيالىق كىرىس ۇلەسىنىڭ جيىنتىعى زەينەتاقى جيناقتارىنىڭ 20%-ن قۇرايدى». بۇل تۋرالى بىرىڭعاي جيناقتاۋشى زەينەتاقى قورىنىڭ جانىنداعى قوعامدىق كەڭەستىڭ كەزەكتى وتىرىسىنداعى «زەينەتاقى سەكتورىنىڭ قازىرگى احۋالى جانە زەينەتاقى اكتيۆتەرىن باسقارۋ تۋرالى» بايانداماسىندا قازاقستان ۇلتتىق بانكى توراعاسىنىڭ ورىنباسارى د. عاليەۆا حابارلادى, دەپ جازادى ۇلتتىق بانكتىڭ ءباسپاسوز قىزمەتى.
د. عاليەۆا «زەينەتاقى قورلارىنىڭ كىرىسى بۇكىل الەمدە حالىقارالىق قور نارىقتارىنداعى احۋالدىڭ جانە ەكونوميكالىق كونيۋنكتۋرانىڭ وزگەرۋىنە بايلانىستى جانە كوبىنە جاعىمسىز ماننەن جاعىمدى مانگە جانە كەرىسىنشە وزگەرۋى مۇمكىن» ەكەندىگىن اتاپ ءوتتى.
د. عاليەۆا زەينەتاقى اكتيۆتەرىن جەكە باسقارۋشى كومپانيالاردىڭ باسقارۋىنا بەرۋ جونىندەگى ۇسىنىستارعا دا توقتالدى.
"سالىمشىعا ينۆەستيتسيالىق ستراتەگيانى جانە جەكە باسقارۋشى كومپانيانى تاڭداۋ قۇقىعىنىڭ بەرىلەدى. بۇل, ءبىزدىڭ پىكىرىمىزشە, زەينەتاقى قىزمەتتەرىنىڭ باسەكەلەس نارىعىن دامىتۋعا تۇرتكى بولادى. مىسالى, باسەكەلەس ورتاداعى جۇمىس باسقارۋشى كومپانيالاردى كوبىرەك ينۆەستيتسيالىق كىرىس الۋعا, سالىمشىلارعا قىزمەت كورسەتۋ ساپاسىن ارتتىرۋعا, ينۆەستيتسيالاردى نارىقتىق تالاپتارمەن جۇزەگە اسىرۋعا ىنتالاندىراتىنى انىق. بۇل ۇسىنىستاردى ىسكە اسىرۋ قازاقستان رەسپۋبليكاسىنىڭ زاڭناماسىنا ءتيىستى وزگەرىستەر مەن تولىقتىرۋلار ەنگىزۋدى تالاپ ەتەدى. زەينەتاقى جيناقتارىن باسقارۋ جۇيەسىن بولاشاقتا رەفورمالاۋ تۇجىرىمداماسى بۇگىنگى كۇنى قازاقستان رەسپۋبليكاسىنىڭ ۇكىمەتىمەن تالقىلانۋدا»», – دەپ ناقتىلادى د. عاليەۆا.
قازاقستان رەسپۋبليكاسى ۇلتتىق بانك توراعاسىنىڭ ورىنباسارى مەملەكەتتىڭ زەينەتاقى تولەمدەرىن الۋشىلارعا بجزق-عا ناقتى ەنگىزگەن مىندەتتى زەينەتاقى جارنالارىنىڭ زەينەتكەرلىككە شىققان ساتتەگى ينفلياتسيا دەڭگەيى ەسكەرىلە وتىرىپ ساقتالاتىنىنا كەپىلدىك بەرەتىنىن ەسكە سالدى.
«الەمنىڭ ەشبىر باسقا ەلىندە مۇنداي كەپىلدىك جوق. ادەتتە, زەينەتاقى جۇيەلەرىندەگى كەپىلدىكتەر جۇيەسىن قاتىسۋشىلاردىڭ وزدەرى – زەينەتاقى قورلارى نەمەسە باسقارۋشى كومپانيالار قامتاماسىز ەتەدى, ولار ينۆەستيتسيالىق كىرىستىڭ بەلگىلەنگەن «بەنچمارككە» قاتىستى بەلگىلى ءبىر ەڭ تومەنگى مولشەرلەمەسىنە كەپىلدىك بەرەدى. كوپ جاعدايدا مەملەكەتتىك باعالى قاعازدار بويىنشا كىرىستىلىك نەمەسە ەلدىڭ زەينەتاقى جۇيەسى بويىنشا بەلگىلى ءبىر كەزەڭدەگى ورتاشا الىنعان كىرىس وسىنداي «بەنچمارك» بولادى», – دەپ قورىتىندىلادى د. عاليەۆا.