كەشە ورتالىق سايلاۋ كوميسسياسىنىڭ توراعاسى بەرىك يماشەۆ سايلاۋ كوميسسيالارىنىڭ جۇمىسىمەن جانە ولاردىڭ وسى جىلعى 26 ناۋرىزعا بەلگىلەنگەن رەسپۋبليكا ءماسليحاتتارىنىڭ شىعىپ قالعان دەپۋتاتتارىنىڭ ورنىنا سايلاۋدى وتكىزۋگە دايىندىعىمەن تانىسۋ ماقساتىندا استانا قالاسى №20 وكرۋگىنىڭ №63 جانە №64 سايلاۋ ۋچاسكەلەرىندە بولدى, دەپ حابارلادى ورتالىق سايلاۋ كوميسسياسىنىڭ ءباسپاسوز قىزمەتى.
سايلاۋ ۋچاسكەلەرىن ارالاۋ بارىسىندا سايلاۋ كوميسسيالارىنىڭ مۇشەلەرىمەن ءۇستىمىزدەگى جىلعى 13 ناۋرىزدا مەملەكەت باسشىسى قول قويعان «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» 2017 جىلعى 10 ناۋرىزداعى قازاقستان رەسپۋبليكاسىنىڭ زاڭىن ىسكە اسىرۋ جونىندەگى شارالار كەشەنى تۋرالى جارلىق تالقىلاندى. اتالعان جارلىقتى ىسكە اسىرۋ ماقساتىندا ورتسايلاۋكوم «قازاقستان رەسپۋبليكاسىنداعى سايلاۋ تۋرالى» جانە «رەسپۋبليكالىق رەفەرەندۋم تۋرالى» كونستيتۋتسيالىق زاڭدارىنا وزگەرىستەر ەنگىزۋ جونىندەگى ۇسىنىستار دايىنداۋدا.
كوميسسيا مۇشەلەرى سايلاۋ زاڭناماسىنا وزگەرىستەر ەنگىزۋدى قاجەت ەتەتىن ماسەلەلەردى – ۋچاسكەلىك سايلاۋ كوميسسيالارىنىڭ قۇرامى, ولاردىڭ كاسىبي نەگىزدەگى جۇمىسى, سايلاۋشىلاردىڭ سايلاۋ بارىسى كەزىندە كوميسسيالاردىڭ قىزمەتىنە سەنىمىن ارتتىرۋ, سايلاۋشىلاردىڭ تىزىمدەرىمەن جۇمىس, داۋىس بەرۋ راسىمدەرىنە يننوۆاتسيالىق تەحنولوگيالاردى ەنگىزۋ جانە باسقا ماسەلەلەردى كوتەردى.