حوش كەلدىڭ, «مەرتسيشور»!..

وبلىس ورتالىعىنداعى دوس­تىق ۇيىندە كوكتەم مەرە­كەسىن قارسى العان «بۋكوۆينو» اتالاتىن رۋمىن-مولداۆان ەتنومادەني بىرلەستىگىنىڭ وكىلدەرى وسىلاي دەيدى. ناۋ­رىزدىڭ العاشقى كۇندەرى مولدوۆا جانە رۋمىنيادا كوكتەمدى قارسى الۋ عانا ەمەس, سالت-ءداستۇر مەرەكەسى سانالادى ەكەن. ورتالىق جەتەكشىسى اۋريكا دياك مەرتسيشور دا ناۋرىز مەيرامى سياقتى كوكتەم, جاڭارۋ مەرەكەسى. بۇل مەرەكەدە ءبىر-ءبىرىمىز­گە اق, قىزىلدى-جاسىلدى جىپتەردەن جاسالعان گۇل تۇرىندەگى شاعىن ىلمەكتەردى سىيلايمىز. بۇل سىيلىقتار, مەرەكەنىڭ اتى سياقتى مەرتسيشور دەپ اتالادى. بۇل ىلمەكتەردى ءساۋىردىڭ ورتاسىنا دەيىن موينىمىزعا تاعىپ جۇرەمىز دە, سودان سوڭ, اعاشتارعا ىرىم ەتىپ تىلەك ورىندالسىن دەپ بايلايمىز. بۇل سونداي كونە, اڭىزعا ارقاۋ بولعان مەرەكەمىز سانالادى. سوندىقتان دوستىق ۇيىندە وتكەن كوكتەمدى قارسى الۋ شاراسىندا ءبىز بۇل اڭىزداردىڭ ءبارىن دە ايتىپ, كورسەتىپ بەردىك. ماقسات − جاستارىمىز, كىشكەنتاي رۋمىن-مولداۆان ۇل-قىزدارى ءبىلسىن, وزدەرىنىڭ سالت-داستۇرلەرىن ۇمىتپاسىن دەگەن وي. ءبىز قازاق جەرىندە تاتۋ-ءتاتتى ءومىر سۇرۋدەمىز. بارلىق مەيرامدار بارىمىزگە ورتاق. ناۋرىزدى ءبىز دە اسىعا كۇتەمىز. ەلباسىنا ۇنەمى راحمەت ايتامىز, دەيدى. ءسويتىپ, دوستىق ۇيىندە بيىلعى مەرتسيشوردى – كوكتەمدى قارسى الۋعا جينالعان جۇرتشىلىققا بي انسامبلدەرى, «فانتازيا» ءانسامبلى, رۋمىن-مولداۆان ەتنومادەني بىرلەستىگىنىڭ ۆوكالدىق ءانسامبلى, «تولقىن» جانە «التىن داۋىس» ۆوكالدىق دۋەتتەرى, جەكە ورىنداۋ­شىلار ونەر كورسەتتى.. − قازىر ءبىزدىڭ بىرلەستىك تە باسقالار سياقتى ەكسپو-2017 كورمەسىنە دايىندالۋدا. شەت ەلدەن كەلگەن قوناقتارعا ەلىمىزدە تۇراتىن ءتۇرلى ۇلت وكىلدەرىنىڭ تىنىس-تىرشىلىگىن, ونەرىن, ءان-ءبيىن, قولونەرىن كورسەتەتىن بولامىز, – دەيدى اۋريكا دياك. اقپان ايىندا «بۋكوۆينانىڭ» جاستار قاناتى رومان كراساەۆ, پولينا الكۋتسا, اننا دياك, گلەب كراساەۆ, اناستاسيا كۋزنەتسوۆا, اليسا اليەۆا رەسەيدە وتكەن «ءبىز بىلەتىن قازاقستان» اتتى وليمپياداعا قاتىسىپ, جۇلدەگەر اتانىپ قايتىپتى. وبلىستا سونشالىقتى كوپ بولماسا دا رۋمىن-مولداۆان دياسپوراسى ءجيى باس قوسۋدى, ءوز ەلدەرىنىڭ تاريحى, ادەبيەتى, ءتىل ۇيرەنۋ جايلى اڭگىمەلەسىپ, اندەرىن ايتىپ, بيلەرىن بيلەگەندى جاقسى كورەدى. فاريدا بىقاي, «ەگەمەن قازاقستان» پاۆلودار سۋرەتتى تۇسىرگەن ماقسات ايتباەۆ