استانا جولاۋشىلار كولىگى باسقارماسىنىڭ باسشىسى بەكمىرزا يگەنبەردينوۆتىڭ توراعالىق ەتۋىمەن ەلورداداعى بارلىق اۆتوبۋس پاركتەرى اكىمشىلىگىمەن ءماجىلىس ءوتتى, دەپ حابارلادى قالا اكىمىنىڭ ءباسپاسوز قىزمەتى.
ءماجىلىستىڭ نەگىزگى ماقساتى – تاسىمالداۋشىلاردىڭ شارتتىق مىندەتتەمەلەردى ءتيىستى ورىنداۋى, بەلگىلەنگەن ارالىقپەن جەلىگە اۆتوبۋستاردىڭ جوسپارلى شىعۋىن قامتاماسىز ەتۋ, اۆتوبۋس جۇرگىزۋشىلەرىنىڭ جول قوزعالىسى ەرەجەلەرىن ساقتاۋى, سونداي-اق جولاۋشىلارعا قىزمەت كورسەتۋ مادەنيەتىنىڭ دەڭگەيىن ارتتىرۋ.
وسى جىلعى 1 ساۋىردەن باستاپ اۆتوبۋس پاركتەرىنىڭ اكىمشىلىگى رەيس الدى تەكسەرۋ ۋاقىتىندا جۇرگىزۋشىلەردىڭ ۇيالى تەلەفوندارىن قويۋعا ارنايى ۇياشىقتار ۇيىمداستىرۋدى ۇسىندى.
بۇدان باسقا, كولىكتىك باقىلاۋ قىزمەتىنە باقىلاۋ-جەلىلىك قىزمەتپەن بىرلەسىپ جەلىدەگى جۇرگىزۋشىلەردىڭ اۆتوبۋس سالونىندا تەلەفون قولدانۋى, تەمەكى شەگۋىنە, سونداي-اق جول قوزعالىسى قاعيداسىن ساقتاۋىنا مونيتورينگ جۇرگىزۋدى تاپسىردى.
سونداي-اق, تاسىمالداۋشىلاردىڭ ماسەلەلەرى قارالدى. ءماجىلىس قورىتىندىسى بويىنشا كورسەتىلەتىن قىزمەتتەر ساپاسىن ارتتىرۋدىڭ ءتيىستى شارالارىن قابىلداۋ مىندەتتەرى قويىلدى.