ورتالىق كوممۋنيكاتسيالار قىزمەتىندە سۋ تاسقىنى كەزىنە دايىندىققا ارنالعان بريفينگ ءوتتى. وعان ىشكى ىستەر ءمينيسترىنىڭ ورىنباسارى يۋري يلين قاتىستى.
جيىندا ول كوكتەم كەزىندە ەل-ەلدى, جەر-جەردى اپاتسىز وتكىزۋ ماقساتىندا جەرگىلىكتى اتقارۋشى ورگانداردىڭ ىشكى ىستەر مينيسترلىگىمەن بىرىگىپ سۋ تاسقىنىنا قارسى الدىن الۋ شارالارىن اتاپ ءوتتى.
– «قازگيدرومەت» رمك بولجامىنا سايكەس, ەرتە كوكتەمدە كۇن جىلىنسا اقمولا, شىعىس قازاقستان, باتىس قازاقستان, قاراعاندى, قوستاناي, سولتۇستىك قازاقستان وبلىستارىندا سۋ تاسقىنى بولۋى مۇمكىن. سۋ تاسقىنى ورتالىق جانە سولتۇستىك وڭىرلەردە ناۋرىز ايىنىڭ سوڭى مەن ءساۋىر ايىنىڭ باسىندا بولاتىن شىعار. سوندىقتان ءبىز قازىردەن باستاپ جەرگىلىكتى اكىمدىكتەرمەن جۇمىس ىستەپ جاتىرمىز, – دەدى ول.
وسىعان بايلانىستى 8,9 شاقىرىم بوگەن جوندەلىپ, 3,8 شاقىرىم ۋاقىتشا بوگەy تۇرعىزىلماق. ال, 15,6 شاقىرىم جاعالاۋ ايماعى قالىپقا كەلتىرىلىپ, 24 شاقىرىمدىق وزەن ارنالارىنى تەرەڭدەتىلدى, اۆتوموبيل مەن تەمىر جول كوپىرىنىڭ وتكىزۋ قۇبىرى تازارتىلعان. سونىمەن قاتار, ەلدى مەكەندەردىڭ اكىمدىكتەرى 12,6 ملن. م3 قار شىعارعان.
يۋري ءيليننىڭ ايتۋىنشا, سۋ تاسقىنىن الدىن الۋ جانە جويۋ ءۇشىن 8 مىڭ توننادان استام كولەمدە ججم, 219 مىڭ توننادان استام ينەرتتى ماتەريالدار, 958 مىڭ قاپ جانە 19,8 توننا جارىلعىش زات قورى دايىندالدى.
حالىقتى ەۆاكۋاتسيالاۋ جاعدايىنا 1707 قابىلداۋ پۋنكت پەن قاجەتتى كولىك ايقىندالدى. ەۆاكۋاتسيالانعان حالىقتىڭ تىرشىلىگىن قامتاماسىز ەتۋ ءۇشىن اكىمدىكتەر قاجەتتى قۇرالداردى, تاماق ونىمدەرى مەن اۋىز سۋ قورىن دايىندادى.
ءىىم سۋ تاسقىنى احۋالىنىڭ كۇردەلەنۋ جاعدايىندا جالپى سانى 12 مىڭ ادام, 2 مىڭ تەحنيكا مەن 300 ءجۇزۋ قۇرالدارىن دايىندادى.
داستان كەنجالين,
«ەگەمەن قازاقستان»