WBA (Super), IBO, WBC جانە IBF تۇجىرىمدارى بويىنشا ورتا سالماقتا الەم چەمپيونى گەننادي گولوۆكين جاتتىعۋ جۇمىستارى جايلى وي ءبولىستى. بۇل تۋرالى sports.kz حابارلادى.
«بۇل – مەنىڭ جاتتىعۋ زالىنداعى ەكىنشى اپتام. بوكسقا دەگەن قۇشتارلىعىم سونداي, دايىندىقتان شارشاپ كەلگەنىمنىڭ ءوزى ءبىر كەرەمەت. بۇل جىل مەن ءۇشىن جاقسىلىقتارعا تولى بولادى دەپ ۇمىتتەنەمىن. كۇن وتكەن سايىن كوبىرەك جاتتىعىپ, شەبەرلىگىمدى ارتتىرا تۇسسەم دەيمىن. وسى مەنىڭ باستى موتيۆاتسيام. وزگەلەر ءۇشىن قيىن بولۋى مۇمكىن. بىراق ءوز ىسىنە بەرىلگەن جاندارعا بۇل دا ءبىر ءلاززات», – دەدى گولوۆكين.
ايتا كەتەيىك, 18 ناۋرىز كۇنى اقش-تىڭ نيۋ-يورك قالاسىنداعى Madison Square Garden ارەناسىندا گەننادي گولوۆكين مەن دەننيەل دجەيكوبس اراسىنداعى كەزدەسۋ وتەدى.