سەنبى كۇنى, 11 اقپاندا, قىزىلورداداعى «استانا» شاعىن اۋدانىندا 300 پاتەرلىك 5 قاباتتى تۇرعىن ءۇي پايدالانۋعا بەرىلدى. وبلىس اكىمى قىرىمبەك كوشەرباەۆ تۇرعىنداردى كوپتەن كۇتكەن قونىس تويلارىمەن قۇتتىقتادى.
- وبلىستا تۇرعىن ءۇي قۇرىلىسى قارقىندى جۇرگىزىلىپ جاتىر. بۇل – ءبىزدىڭ باستى جەتىستىگىمىز. سوڭعى 3 جىلدا وبلىستا قۇرىلىس 3,5 ەسەگە, قىزىلوردا قالاسىندا 8 ەسە ءوستى. بۇگىنگى كۇنگە دەيىن «استانا» شاعىن اۋدانىندا كوپقاباتتى 17 تۇرعىن ءۇي سالىنسا, وسى جىلى 16 ءۇي بوي كوتەرەدى,- دەدى ايماق باسشىسى.
ەستەرىڭىزگە سالا كەتەيىك, «استانا» شاعىن اۋدانىنداعى ۇيلەردىڭ قۇرىلىسى «وڭىرلەردى دامىتۋ-2020» باعدارلاماسى اياسىندا جۇرگىزىلۋدە. 2015 جىلى - 7, وتكەن جىلدىڭ مامىر ايىندا 5 ءۇي پايدالانۋعا بەرىلدى.