قورعانىس ۆەدومستۆاسىنىڭ باسشىسى گەنەرال-پولكوۆنيك ساكەن جاسۇزاقوۆ تالدىقورعان گارنيزونىنا جۇمىس ساپارىمەن بارىپ قايتتى, دەپ حابارلادى قر قورعانىس مينيسترلىگىنىڭ ءباسپاسوز قىزمەتى.
اتالعان جۇمىس بارىسىندا اسكەري ۆەدومستۆانىڭ باسشىسى بيىلعى وقۋ جىلىنىڭ احۋالى مەن جاۋىنگەرلىك دايارلىق جوسپارىن ورىنداۋ بارىسى تۋرالى قر قك اۋە قورعانىسى كۇشتەرى باس قولباسشىسىنىڭ جانە قر قك اەروۇتقىر اسكەرلەرى قولباسشىسىنىڭ باياندامالارىن تىڭدادى. بۇدان وزگە, جۇمىس ساپارى بارىسىندا تالدىقورعان گارنيزونىنىڭ كەيبىر بولىمشەلەرى جوعارى جاۋىنگەرلىك دايارلىققا كەلتىرىلدى.
قر قورعانىس ءمينيسترى ولاردىڭ تەحنيكالىق جابدىقتالۋى مەن قامتاماسىز ەتۋ جاعدايىن تەكسەردى, سونداي-اق اسكەري قىزمەتشىلەردىڭ الەۋمەتتىك-تۇرمىستىق جاعدايلارىنا ەرەكشە نازار اۋداردى. وسى ساپاردىڭ اياسىندا قر قورعانىس ءمينيسترى اۋە قورعانىسى كۇشتەرى مەن 21751 اسكەري ءبولىمنىڭ باسشىلىق قۇرامىمەن جۇمىس كەڭەسىن وتكىزىپ, وندا اۆياتسيالىق بازانىڭ جاۋىنگەرلىك ازىرلىگى مەن ۇشۋلار قاۋىپسىزدىگىن قامتاماسىز ەتۋ جونىندە بىرنەشە ناقتى تاپسىرمالار بەردى.