سەناتور راشيد تۇسىپبەكوۆ اقمولا وبلىستىق ادىلەت دەپارتامەنتىندە بولىپ, پرەزيدەنت ن.نازارباەۆتىڭ ەل كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ نەگىزگى ەرەجەلەرىن ءتۇسىندىرۋ تۇرعىسىندا ەڭبەك ۇجىمىمەن كەزدەسۋ وتكىزدى.
ر.تۇسىپبەكوۆ پرەزيدەنتتىڭ بيلىك وكىلەتتىكتەرىن قايتا ءبولۋ جانە ساياسي جۇيەنى تۇتاستاي دەموكراتيالاندىرۋدى كوزدەيتىن كونستيتۋتسيالىق رەفورمالاردىڭ ماڭىزىنا وراي جان-جاقتى تۇسىنىك بەردى. دەپۋتات ءوز سوزىندە كونستيتۋتسيانىڭ 26-بابىنا ۇسىنىلعان تۇزەتۋلەرگە ەرەكشە نازار اۋداردى. بۇل تۇزەتۋلەر قازاقستان رەسپۋبليكاسىنىڭ ازاماتتارىنا عانا ەمەس, شەتەلدىك ازاماتتار مەن ازاماتتىعى جوق ادامدارعا دا زاڭدى تۇردە العان قانداي دا بولسا مۇلكىنە جەكە مەنشىك قۇقىعىنا كەپىلدىكتى قامتاماسىز ەتەدى. جەكە مەنشىك قۇقىعىنا ۇسىنىلعان كۇشەيتۋلەر ەلىمىزدەگى شەتەلدىك تە, وتاندىق تا ينۆەستورلارعا ارنالعان ينۆەستيتسيالىق احۋالدى جاقسارتۋعا, سونداي-اق, ورتا تاپتى جەدەل قالىپتاستىرۋ مەن نىعايتۋعا ىقپال ەتەتىن بولادى.
بۇل رەتتە كونستيتۋتسيانىڭ 26-بابىنداعى وزگەرىستەر جەر قاتىناستارىن, ونىڭ ىشىندە شەتەلدىكتەردىڭ جەردى ساتىپ الۋىن رەتتەمەيدى. جەرگە جەكە مەنشىك ماسەلەلەرىن قاراستىراتىن كونستيتۋتسيانىڭ 6-بابىنا ەشقانداي وزگەرىستەر ەنگىزىلمەيدى», – دەدى دەپۋتات.
* * *
سەناتور ولگا پەرەپەچينانىڭ جۇمىس ساپارى سولتۇستىك قازاقستان وبلىسىندا جالعاستى. ونىڭ سولتۇستىك قازاقستان وبلىستىق پروكۋرورىنىڭ مىندەتىن اتقارۋشى ت.تاشىمباەۆپەن جانە ستاتيستيكا دەپارتامەنتىنىڭ ۇجىمىمەن كەزدەسۋلەرى بارىسىندا «كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى.
«قازپوشتا» اكتسيونەرلىك قوعامىنىڭ سولتۇستىك قازاقستان وبلىستىق بولىمشەسىنىڭ قىزمەتكەرلەرىمەن كەزدەسۋ بارىسىندا جانە ايىرتاۋ اۋدانىنداعى انتونوۆكا, نوۆوۋكراينكا اۋىلدارىنىڭ تۇرعىندارىمەن كەزدەسۋ كەزىندە دەپۋتات جينالعانداردى مەملەكەتتىك بيلىك تارماقتارى اراسىنداعى وكىلەتتىكتەردى قايتا ءبولۋ جونىندەگى الداعى رەفورما تۋرالى حاباردار ەتتى.
مامليۋت اۋدانىنداعى ۆوسكرەسەنوۆكا جانە نوۆوميحايلوۆكا اۋىلدارىنىڭ تۇرعىندارىمەن دە كونستيتۋتسياعا ۇسىنىلعان وزگەرىستەردىڭ جوباسى تالقىلاندى.
* * *
سەنات دەپۋتاتى راشيت اكىموۆتىڭ اقمولا وبلىسىنا جۇمىس ساپارى ودان ءارى جالعاستى. سەناتور استراحان اۋدانىنداعى №6 اگروتەحنيكالىق كوللەدجدىڭ وقىتۋشىلارى جانە ءوندىرىس شەبەرلەرىمەن كەزدەستى.
مادەنيەت ۇيىندە بولعان كەزدەسۋدە بيلىك تارماقتارى اراسىنداعى وكىلەتتىكتەردى قايتا ءبولۋ جونىندەگى الداعى رەفورمالار, سونداي-اق, مەملەكەت باسشىسى ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنداعى نەگىزگى مىندەتتەر تالقىلاندى.
ر.اكىموۆ ەلباسىنىڭ جولداۋىنداعى ەرەجەلەردى ىسكە اسىرۋ جونىندەگى پارلامەنتتىڭ زاڭ شىعارۋ قىزمەتىنىڭ جوسپارى تۋرالى اڭگىمەلەدى. اۋىل تۇرعىندارى مەملەكەتتى دەموكراتيالاندىرۋ, ەكونوميكانى جاڭعىرتۋ جانە حالىقتىڭ ءال-اۋقاتىن ارتتىرۋدى كوزدەيتىن مەملەكەت باسشىسىنىڭ باستامالارىنا قولداۋ ءبىلدىردى.
* * *
پارلامەنت سەناتىنىڭ دەپۋتاتى سەرىك جاقسىبەكوۆ قازاقستان رەسپۋبليكاسى ۇلتتىق ۇلانى 5573 اسكەري ءبولىمىنىڭ جەكە قۇرامىمەن كەزدەستى.
سەناتور پرەزيدەنت ن.نازارباەۆتىڭ كونستيتۋتسيالىق رەفورمالارى مەن مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ نەگىزگى ەرەجەلەرى تۋرالى شاراعا قاتىسۋشىلاردى جان-جاقتى حاباردار ەتتى. ودان باسقا, اسكەري قىزمەتكەرلەردى الەۋمەتتىك جاعىنان قورعاۋ مەن تۇرعىن ۇيمەن قامتاماسىز ەتۋ ماسەلەلەرى تالقىلاندى.
* * *
پارلامەنت سەناتىنىڭ دەپۋتاتى دارحان كالەتاەۆ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورلىق-وقىتۋشىلار قۇرامىمەن جانە ستۋدەنتتەرىمەن كەزدەستى.
Cەناتور مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ ەرەجەلەرىن تۇسىندىرۋگە وراي ءسوز سويلەدى. سونداي-اق, كونستيتۋتسيالىق رەفورمالار مەن بيلىك تارماقتارى اراسىنداعى وكىلەتتىكتەردى قايتا ءبولۋ ماسەلەلەرى ەگجەي-تەگجەيلى تالقىلاندى.
* * *
سەناتور مارات تاعىموۆ اقتوبە وبلىسىنا جۇمىس ساپارىن جالعاستىرعان بولاتىن. ايتەكەبي اۋدانىندا سەناتور اۋدان اكتيۆىمەن, ەڭبەك ۇجىمدارىمەن, شارۋاشىلىق جۇرگىزۋشى سۋبەكتىلەردىڭ وكىلدەرىمەن جانە ارداگەرلەرمەن كەزدەستى. دەپۋتات كوكونىس وسەتىن جىلىجايدا دا بولدى.
جۇزدەسۋدە اۋدان جۇرتشىلىعى ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى مەن ونداعى بەس نەگىزگى باسىمدىقتاردى قىزۋ تالقىلادى. جەرگىلىكتى تۇرعىندار قازاقستاندا ۇزدىك تەحنولوگيالاردى قولدانۋعا, ونىڭ ىشىندە اگرارلىق سەكتوردى دامىتۋعا قاجەتتى بۇكىل رەسۋرستار بار ەكەنىن ايتتى.
اۋىل ەڭبەككەرلەرىن اۋىل شارۋاشىلىعىنا, جەردى پايدالانۋعا, مال شارۋاشىلىعىن دامىتۋعا تىكەلەي قاتىستى ماسەلەلەر تولعاندىرادى. وسىعان بايلانىستى م.تاعىموۆ جينالعانداردى اگرارلىق كەشەننىڭ الەۋەتىن دامىتۋ جانە ۇلعايتۋ جونىندەگى مىندەتتەر تۋرالى حاباردار ەتتى.
سەناتور, سونداي-اق, پروكۋراتۋرا, سوت جانە قۇقىق قورعاۋ ورگاندارىنىڭ قىزمەتكەرلەرىمەن بىرقاتار كەزدەسۋ وتكىزدى. كەزدەسۋلەردە كونستيتۋتسيالىق وزگەرىستەرگە قاتىستى ماسەلەلەرگە نازار اۋدارىلدى.
* * *
سەناتور سەرىك بەكتۇرعانوۆ قوستاناي وبلىسىنا جۇمىس بابىنداعى ساپارى بارىسىندا ۇكىمەتتىك ەمەس ۇيىمداردىڭ جەتەكشىلەرىمەن كەزدەستى.
جۇزدەسۋدە پرەزيدەنت ن.نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ نەگىزگى ەرەجەلەرى تالقىلانىپ, جان-جاقتى اڭگىمە ءوربىدى.
ازاماتتىق سەكتوردىڭ وكىلدەرى مەملەكەتتىك ورگاندار مەن ۇكىمەتتىك ەمەس ۇيىمداردىڭ ءوزارا ءىس-قيمىلى جونىندەگى جۇمىستاردى جەتىلدىرۋ جايىندا پىكىرلەرىن ءبىلدىرىپ, ۇسىنىستارىن ايتتى.
ۇكىمەتتىك ەمەس ۇيىمداردىڭ جەتەكشىلەرى مەملەكەت باسشىسىنىڭ ۇندەۋىندەگى كونستيتۋتسيالىق رەفورمالاردىڭ ماڭىزى مەن ەرەكشەلىكتەرى تۋرالى حاباردار ەتىلدى, دەپ حابارلادى پارلامەنت سەناتىنىڭ ءباسپاسوز قىزمەتى.