باتىس قازاقستان وبلىسىندا بيىل الەۋمەتتىك سالا نىساندارى قۇرىلىسىنا 5 632,811 ملن. تەڭگە قارالدى, دەپ حابارلايدى قازاقپارات.
بقو قۇرىلىس باسقارماسى باسشىسىنىڭ ورىنباسارى الىبەك انتازيەۆتىڭ ايتۋىنشا, سونىڭ ىشىندە 4 305,799 ملن. تەڭگە ۇلتتىق قوردان, 401,403 ملن. تەڭگە رەسپۋبليكالىق بيۋدجەتتەن, 925,609 ملن. تەڭگە جەرگىلىكتى قازىنادان بەرىلىپ وتىر. وسى قارجىنىڭ باسىم كوپشىلىگى نەمەسە 4 934,978 ملن. تەڭگە ءبىلىم نىساندارىن سالۋعا جۇمسالماق. مىسالى, ۇلتتىق قور ەسەبىنەن بيىل ورالعا قاراستى دەركول اۋىلىندا 600 ورىندىق مەكتەپ سالۋعا 1 062,5 ملن. تەڭگە, وبلىس ورتالىعىندا 300 ورىندىق №4 مەكتەپكە 605,0 ملن. تەڭگە, رەسپۋبليكالىق بيۋدجەت قارجىسىنا زەلەنوۆ اۋدانى داريان اۋىلىندا 100 ورىندىق ينتەرناتىمەن 300 وقۋشىلىق مەكتەپ قۇرىلىسىنا 401,4 ملن. تەڭگە ءبولىندى.
بۇل ءۇش نىسان دا 2018 جىلى سالىنىپ بىتپەك. ال ىرگەتاسى وتكەن جىلى قالانعان ورالعا قاراستى زاچاگان كەنتىندەگى «سارىتاۋ» شاعىناۋدانىنداعى 900 ورىندىق (بيىلعى بولىنگەن قارجى - 1 537,9 ملن. تەڭگە, ۇلتتىق قور), دەركول اۋىلىندا 600 ورىندىق تاعى ءبىر مەكتەپ (1 602,5 ملن. تەڭگە, ۇلتتىق قور), وعان قوسا قازتالوۆ اۋدانى قازتالوۆ اۋىلىندا 100 ورىندىق مەكتەپ-ينتەرنات (227,7 ملن. تەڭگە, جەرگىلىكتى بيۋدجەت) قۇرىلىسى بيىل مارەگە جەتپەك. سول سەكىلدى تەرەكتى اۋدانى پودستەپنىي اۋىلىندا جەرگىلىكتى بيۋدجەت قارجىسىنا (163,8 ملن. تەڭگە) 300 ورىندىق مادەنيەت ءۇيى تۇرعىزىلماقشى. سونداي-اق ىشكى ىستەر دەپارتامەنتى نىساندارىن سالۋعا 365,384 ملن. تەڭگە, قورشاعان ورتانى قورعاۋ نىساندارى قۇرىلىسىنا 168,629 ملن. تەڭگە قاراستىرىلدى.