سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىلباي قازاقستان رەسپۋبليكاسىنىڭ كونستيتۋتسياسىنىڭ 26-بابىنا تۇزەتۋلەر جوباسى بويىنشا تۇسىندىرمە بەردى. جوبادا باپتىڭ 1-تارماعى «اركىم زاڭدى تۇردە العان قانداي دا بولسىن مۇلكىن جەكە مەنشىگىندە ۇستاي الادى» دەگەن ماتىندە ۇسىنىلىپ وتىر.
س.اقىلبايدىڭ ءتۇسىندىرۋى بويىنشا, «ازاماتتار» دەگەن ءسوز «اركىم» سوزىمەن الماستىرىلادى. بۇل جەردە «ارقايسىسى» دەپ قازاقستاننىڭ ازاماتتارى, شەتەلدىك ازاماتتار جانە ازاماتتىعى جوق ادامدار دەپ تۇسىنۋگە ءتيىسپىز. نەگە ءبىز ەلىمىزدىڭ رەزيدەنتى ەمەس ادامنىڭ نەمەسە ازاماتتىعى جوق ادامنىڭ مۇلكىنىڭ ساقتالۋىن قامتاماسىز ەتپەۋىمىز كەرەك؟ ماسەلەن, ونىڭ كولىگى, كيىمى, كومپيۋتەرى بار. مۇنىڭ ءبارى سول ادامنىڭ مۇلكى بولىپ تابىلادى. ودان باسقا, شەتەلدىك ازاماتتار مۇندا ينۆەستيتسيا اكەلەدى, ول دا م ۇلىك. كەلگەن ينۆەستيتسيا قورعالۋى كەرەك, ول كونستيتۋتسيامەن ساقتاندىرىلۋى ارقىلى قامتاماسىز ەتىلۋى كەرەك», دەپ اتاپ ءوتتى دەپۋتات.
«جەر تۋرالى ماسەلە – ول باسقا مارتەبەگە يە, مۇلدە باسقا ەرەجەمەن رەتتەلەدى, – دەدى س.اقىلباي. – ءبىز بۇل جەردە كونستيتۋتسيانىڭ 6-بابىنا جۇگىنۋىمىز كەرەك, وندا جەر زاڭدا كورسەتىلگەن جاعدايلاردا عانا جەكەمەنشىككە بەرىلەتىنى جازىلعان. ياعني, مۇندا جەر تۋرالى جانە ازاماتتىق كودەكستەرگە سىلتەمە جاسالعان, ال ول زاڭداردا شەتەلدىكتەردىڭ اۋىل شارۋاشىلىعىنا ارنالعان جەرلەردى ساتىپ الۋى تۋرالى بىردە-ءبىر ءسوز جوق».
س.اقىلبايدىڭ ايتۋىنشا, 26-باپتىڭ 1-تارماعىنا بايلانىستى جەر تۋرالى پىكىرتالاسقا نەگىز جوق, ءويتكەنى, جەر ماسەلەسى بۇل ەرەجەمەن قاراستىرىلمايدى. «شەتەلدىكتەردىڭ قازاقستاندا اۋىل شارۋاشىلىعىنا ارنالعان جەرلەرگە يە بولۋى مۇمكىن ەمەس. دۇرىس تۇسىندىرىلگەندە, ەشقانداي ولقىلىق بولماۋ كەرەك. ءبارى دە ءبىزدىڭ زاڭدارىمىزعا سايكەس جاسالىپ وتىر. مەملەكەت باسشىسى اۋىل شارۋاشىلىعى جەرلەرىنىڭ شەتەلدىكتەرگە ساتىلمايتىنى تۋرالى بۇرىن دا ايتقان بولاتىن. جەر, سۋ, تابيعي رەسۋرستار – م ۇلىك ەمەس. ولار ەرەكشە ءمارتەبەگە يە», دەدى جوعارعى پالاتانىڭ سالالىق كوميتەتىنىڭ باسشىسى.
بيزنەستى قورعاۋ تاقىرىبىنا بايلانىستى ول: «ءبىز شەتەل ازاماتىنىڭ دا, ازاماتتىعى جوق ادامنىڭ دا جەكە مۇلكىنىڭ قورعالۋىن قامتاماسىز ەتۋگە ءتيىسپىز. مەملەكەت ولار اكەلگەن ينۆەستيتسيا مەن زاڭدى تۇردە الىنعان مۇلكىنىڭ قورعالۋىنا وسىلاي كەپىلدىك بەرە الادى», دەپ اتاپ ءوتتى.