قاراعاندى وبلىسىندا زەينەتكەرلەر مەن الەۋمەتتىك وسال توپتارعا قولداۋ كورسەتۋ ماقساتىندا دارىلەردى ارزانداتىلعان باعامەن ساتاتىن 36 الەۋمەتتىك ءدارىحانا اشىلدى, دەپ حابارلايدى قازاقپارات.
وبلىستىق ەكونوميكا باسقارماسىنىڭ باسشىسى ولگا چەرنياۆسكايانىڭ ايتۋىنشا, وڭىردە ءدارىنىڭ بارلىق تۇرلەرى قىمباتتاعان. مەديتسينالىق قىزمەتتىڭ دە قۇنى كوتەرىلگەن. «قاڭتار ايىندا فارماتسەۆتيكالىق ءونىم باعاسى الدىڭعى ايمەن سالىستىرعاندا 1,2 پايىزعا كوتەرىلگەن. 2016 جىلدىڭ جەلتوقسان ايىندا دا اسا ماڭىزدى ءدارى-دارمەك پرەپاراتتارىنىڭ باعاسى وسكەن», - دەپ مالىمدەدى ول.
دەنساۋلىق ساقتاۋ باسقارماسىنىڭ دەرەكتەرىنە سايكەس, اۋرۋحانالار مەن ەمحانالارداعى باعا وسىمىنە جول بەرمەۋ ءۇشىن قاراعاندى وبلىسىنىڭ قالالارى مەن اۋداندارىندا الەۋمەتتىك ءدارىحانالار اشىلدى. وندا ءدارى-دارمەكتەرگە ەڭ تومەنگى باعامەن ساتىلادى. ادەتتە بولشەك ساۋدا جۇيەسىندە دارىلەردىڭ كوتەرمە باعاسىنا 15-تەن 30 پايىزعا دەيىن قۇن قوسىلادى, ال الەۋمەتتىك اۋرۋحانالاردا بەس پايىزدان ارتىق قۇن قوسىلمايدى.
«بۇگىندە وبلىستاعى قالالار مەن اۋدانداردىڭ مەملەكەتتىك مەديتسينالىق ۇيىمدارىندا 36 الەۋمەتتىك اۋرۋحانا جۇمىس ىستەپ تۇر. اي سايىن ۇسىنىلاتىن ءدارى-دارمەك تۇرلەرى ۇلعايىپ كەلەدى. ازىرگە قالاداعى الەۋمەتتىك ءدارىحانالاردا پرەپاراتتاردىڭ 1500 ءتۇرى, ال اۋدانداردا 900 ءتۇرى ساتىلۋدا. قاجەتتى ءدارىنى ازاماتتارعا جەتكىزىپ بەرۋ قىزمەتى دە قاراستىرىلعان. تاعى دا بىرقاتار الەۋمەتتىك اۋرۋحانالار اشۋ جوسپارلانعان», - دەپ اتاپ ءوتتى دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ.
دارىلىك پرەپاراتتار مەن مەديتسينالىق ونىمدەردىڭ 105 تۇرىنە جانە قوسىمشا تىزىمدەگى اسا ماڭىزدى دارىلەردىڭ 50 ءتۇرىنىڭ باعالارىنا مونيتورينگ ءجۇرىپ جاتىر. دەنساۋلىق ساقتاۋ باسقارماسى دارىلىك زاتتاردى كوتەرمە تاسىمالداۋشىلارمەن ءدارى قۇنىن نەگىزسىز ءوسىرۋدى توقتاتۋ ماسەلەلەرى بويىنشا بىرقاتار جينالىستار وتكىزدى.