وتكەن جىلى «جۇمىس» (www.enbek.kz) پورتالىنداعى مالىمەتتەر بويىنشا قازاقستاندا بوس جۇمىس ورىندارىنىڭ باسىم كوپشىلىگى الماتى قالاسى مەن وڭتۇستىك قازاقستان وبلىسىنىڭ – 16%-دان, استانا قالاسىنىڭ – 12%, باتىس قازاقستان وبلىسىنىڭ – 10% كاسىپورىندارى مەن ۇيىمدارىندا بايقالدى. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
پورتالداعى بوس ورىنداردىڭ باسىم بولىگى قىزمەت كورسەتۋ سالالارىنا كەلەدى – 11 مىڭ 533 (جالپى جۇمىس ورىندارىنىڭ 20%-ى), ونەركاسىپ پەن ءوندىرىس – 7 مىڭ 599 (13%), قۇرىلىس پەن اباتتاندىرۋ – 4 مىڭ 595 (8%), ءبىلىم جانە عىلىم – 4 مىڭ 548 (7%), مەديتسينا مەن ءدارى-دارمەك نارىعى – 4 مىڭ 467 (7%).
بىلتىر اتالعان پورتالعا جاڭادان تىركەلگەن 12 مىڭ 398 پايدالانۋشىنىڭ 7 مىڭ 543-ءى كاسىپورىندار ساناتىنان بولىپ وتىر. بارلىعى, ءبىر جىل ىشىندە, جەكە جۇمىسپەن قامتۋ اگەنتتىكتەرى مەن بۇقارالىق اقپارات قۇرالدارىن ەسەپتەگەندە, 60 مىڭعا جۋىق بوس جۇمىس ورنى مەن 52 مىڭ تۇيىندەمە ورنالاستىرىلعان.
82,6% ۆاكانسيادا تولىق جۇمىس كۇنى تالاپ ەتىلسە, 7,4% - ۆاحتالىق جۇمىس تاسىلىنەن تۇرىپ, 3,7% - جارتىلاي جۇمىس كۇنى رەتىندە كورسەتىلگەن. سونىمەن قاتار, 3,3% ۇيدەگى جۇمىس ۇسىنىلىپ, تولىق ەمەس جۇمىس اپتاسى مەن وزگە دە ەرەكشەلىكتەر 3%-قۇراۋدا.
جۇمىس ىزدەۋشىلەر ءجيى قىزمەت كورسەتۋ سالاسىنا - 31%, ونەركاسىپ پەن وندىرىسكە - 9%, قۇرىلىس پەن اباتتاندىرۋعا - 5%, كولىك باعىتىنا - 4% قىزىعۋشىلىق تانىتقان.
جۇمىس بەرۋشىلەر پورتالدا وزدىگىنەن ورنالاستىرعان 15 مىڭ 988 بوس جۇمىس ورنىنىڭ 71%-دا, جۇمىس وتىلىنە ايرىقشا تالاپ قويىلماعاندىقتان, جاستاردىڭ ەڭبەكپەن قامتىلۋىنا وڭ اسەر ەتكەن.
ەسكە سالا كەتسەك, «جۇمىس» پورتالى», بۇل – قازاقستانداعى جۇمىسقا ورنالاسۋ ماسەلەلەرىنە ارنالعان مامانداندىرىلعان ينتەرنەت-رەسۋرس.
ينتەرنەت-ستاتيستيكا جونىندەگى zero.kz قازاقستاندىق رەيتينگ سەرۆيسىنىڭ مالىمەتىنشە, «جۇمىس. بوس جۇمىس ورىندارى» تاقىرىبى تۇرعىسىنان enbek.kz پورتالى ءتيىستى باعىتتاعى سايتتاردىڭ اراسىندا پايدالانۋشىلاردىڭ كىرۋى جاعىنان جوعارعى كورسەتكىشكە يە. 2016 جىلى بىرەگەي قولدانۋشىلار قاتارى 45 مىڭنان 150 مىڭعا, قارالۋى بويىنشا 242 مىڭنان ايىنا 1 ميلليونعا وسكەن.