2016 جىلى اقمولا وبلىسىندا حالىقتى جۇمىسپەن قامتۋعا جاردەمدەسۋدىڭ وڭىرلىك كەشەندى جوسپارىن ىسكە اسىرۋ شەڭبەرىندە مەملەكەتتىك قولداۋ شارالارىمەن جۇمىسسىزدار (15,5 مىڭ ادام) جانە ءوزىن-ءوزى ناتيجەسىز جۇمىسپەن قامتىعاندار (5,9 مىڭ ادام) قاتارىنداعى 21,4 مىڭ ادام قامتىلدى, دەپ حابارلادى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى. بۇل وڭىردەگى جۇمىسسىزدار مەن ءوزىن-ءوزى ناتيجەسىز جۇمىسپەن قامتىعانداردىڭ جالپى سانىنىڭ 52,9 %-ىن قۇرايدى.
ونىڭ ىشىندە:
- مەملەكەتتىك جانە ۇكىمەتتىك باعدارلامالار, اۋماقتاردى دامىتۋ باعدارلامالارى شەڭبەرىندە ىسكە اسىرىلىپ جاتقان جوبالارعا 2 مىڭ 488 ادام جۇمىسقا ورنالاستى;
- الەۋمەتتىك جۇمىس ورىندارىنا 637 ادام;
- جاستار پراكتيكاسىنا 682 ادام;
- قوعامدىق جۇمىستارعا - 3 مىڭ 318 ادام ;
- كاسىتىك وقىتۋعا 313 ادام جىبەرىلدى, ونىڭ ىشىندە 115 ادام كاسىپكەرلىك نەگىزدەرىنە وقۋعا جىبەرىلدى;
- 13 مىڭ 529 ادام مەملەكەتتىك قولداۋ شارالارىن قولدانباي جۇمىسقا ورنالاستى.
بۇدان باسقا, 439 ادام جەكە ءىسىن اشۋ نەمەسە كەڭەيتۋ ءۇشىن ميكروكرەديتتەر الدى.
2016 جىلى رەسپۋبليكا بويىنشا حالىقتى جۇمىسپەن قامتۋعا جاردەمدەسۋدىڭ كەشەندى جوسپارىن ىسكە اسىرۋ شەڭبەرىندە مەملەكەتتىك قولداۋ شارالارىمەن 520 مىڭ ادام قامتىلدى.