اقش مۇناي ءوندىرىسىنىڭ ارتۋى تەڭگەنى السىرەتىپ جاتىر

KASE قور بيرجاسىنىڭ تاڭعى ساۋداسى بويىنشا قورىتىندىسىندا ۇلتتىق ۆاليۋتا دوللارىنا 324,39 تەڭگەگە تەڭ بولدى. ەسكە سالايىق, 7 اقپانداعى سەسسيادا ۇلتتىق ۆاليۋتانىڭ دوللارعا قاتىستى باعامى 323,26 تەڭگەگە تەڭ ەدى. 8 اقپانداعى تاڭعى ساۋدانىڭ ءبىرىنشى كەلىسىمى 324 تەڭگەمەن باستالدى. بۇل مينيمالدىق قۇنى بولىپ بەكىتىلدى. ال ماكسيمالدىق قۇنى - 324,64 تەڭگە. ساۋدانىڭ جالپى كولەمى 39,85 ميلليون دوللارعا جەتتى. Kurs.kz مالىمەتىنشە, ايىرباس ورىندارىندا دوللار 324,5-325,2 تەڭگەگە باعالانىپ وتىر. ۇلتتىق ۆاليۋتانىڭ سوڭعى ەكى تاۋلىكتە السىرەۋىنە ءبىرىنشى كەزەكتە مۇناي باعاسىنىڭ تومەندەۋى سەپ بولىپ وتىر. بۇگىن استانا ۋاقىتىمەن تاڭعى ساعات 09:00-دە برەنت ماركالى مۇناي قۇنى 1,89 پايىز ارزانداپ, 54,56 دوللارعا ءبىر-اق قۇلدىراعان ەدى. قارا التىننىڭ ارزانداۋىنا سەبەپ بولعان اقش ءوندىرىسىنىڭ كۇرت ارتۋى مەن نارىقتا مۇنايعا دەگەن سۇرانىستىڭ ازايۋى, دەپ جازادى investing باسىلىمى. سوڭعى ەكى اي بويى وپەك+ كەلىسىمىنىڭ ارقاسىندا مۇناي باعاسى باررەلىنە 56-57 دوللار ارالىعىندا ساقتالعان ەدى.