كەشە قازاقستان رەسپۋبليكاسى جوعارى سوت كەڭەسىنىڭ توراعاسى ا.ءسموليننىڭ باسشىلىعىمەن قازاقستان رەسپۋبليكاسى جوعارى سوت كەڭەسىنىڭ وتىرىسى وتكىزىلدى, دەپ حابارلادى قازاقستان رەسپۋبليكاسى جوعارى سوت كەڭەسىنىڭ اپپاراتى.
وتىرىسقا زاڭگەرلەر وداعىنىڭ, سونداي-اق, جوعارعى سوت جانىنداعى سوت تورەلىگى اكادەمياسىنىڭ وكىلدەرى قاتىستى.
وتىرىستا سوت جۇيەسىنىڭ ۇيىمداستىرۋ-كادر ماسەلەلەرى, ونىڭ ىشىندە جوعارعى سوت توراعاسىنىڭ كەيبىر سۋديالاردى قىزمەتىنەن بوساتۋ جانە سۋديانىڭ قىزمەتتە بولۋ مەرزىمىن ۇزارتۋ جونىندەگى ۇسىنىمدارى قارالدى. سونىمەن بىرگە, سۋديالاردىڭ اۋىسۋى مەن سۋديالاردىڭ ساپالىق قۇرامى تۋرالى ماسەلەلەر, سۋديا لاۋازىمىنا بىلىكتىلىك ەمتيحانىنىڭ سۇراقتارى بەكىتىلدى.
بۇدان باسقا, وتىرىستا اۋداندىق جانە وعان تەڭەستىرىلگەن سوتتاردىڭ توراعالارى مەن سۋديالارىنىڭ, وبلىستىق جانە وعان تەڭەستىرىلگەن سوتتاردىڭ سۋديالارىنىڭ بوس ورىندارىنا ورنالاسۋعا جاريالانعان كونكۋرستىڭ قورىتىندىلارى شىعارىلدى.
وتىرىستىڭ قورىتىندىسى بويىنشا كەڭەس ءتيىستى شەشىمدەر مەن ۇسىنىمدار قابىلدادى.