ۇلتتىق تەاتر ونەرىنىڭ كوشىن العا سۇيرەپ, ساحنا سايىپقىراندارىنىڭ تالاي بۋىنىن تاربيەلەپ شىعارعان م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ۇجىمى ن.نازارباەۆتىڭ قازاقستان حالقىنا جولداۋىن تالقىلاۋدان تىس قالمادى.
تەاتر ديرەكتورى, قازاقستاننىڭ ەڭبەك سىڭىرگەن قايراتكەرى ەرلان ءبىلالوۆ ەلباسىنىڭ بيىلعى جولداۋىنىڭ ماڭىزدىلىعىنا توقتالىپ, پرەزيدەنت ۇسىنعان بيىلعى جولداۋدىڭ نەگىزى بولىپ وتىرعان «100 ناقتى قادام» ۇلت جوسپارىنىڭ ءاربىر تارماعىن تالداي وتىرىپ, سوعان سايكەس ناقتى تەاتر ونەرى تاراپىنان جاسالاتىن ىستەردى بايلانىستىرا كورسەتىپ, ۇجىم الدىندا بايانداما جاسادى.
جولداۋدا بارلىق سالاداعى جاڭعىرۋ, تسيفرلىق تەحنولوگيالارعا كوشۋ ماسەلەسى باسا ايتىلعان. تەاتردا دا وسى جاڭا تەحنولوگيالار سپەكتاكل قويۋ بارىسىندا كەڭىنەن پايدالانىلىپ كەلەدى. ايتالىق, «اقتاستاعى احيكو», «باقىت كىلتى» سپەكتاكلدەرىندە IT تەحنولوگيالاردىڭ جەتىستىگى قولدانىلدى. بۇل باعىتتاعى جۇمىس الداعى ۋاقىتتا دا ءجۇرگىزىلەتىن بولادى. Cونداياق, جولداۋدا الەۋمەتتىك سالا, حالىقتىڭ تۇرمىس-تىرشىلىگىن ودان ءارى جاقسارتۋ بۇرىنعىداي مەملەكەتتىڭ باستى نازارىندا بولاتىنى, سونىڭ دالەلىندەي زەينەتاقىنىڭ 20 پايىزعا ءوسىرىلەتىنى ايتىلعان. ءبىلىم بەرۋ, دەنساۋلىق ساقتاۋ سالالارىنا قاتىستى ناقتى اتقارىلاتىن جۇمىستار دا كورسەتىلگەن. مۇنىڭ تەاتر ونەرىنە قىزمەت ەتىپ ءجۇرگەن ارتىستەر قاۋىمىن اينالىپ ءوتپەيتىنى راس. ونەر ادامىنىڭ ۇنەمى ءوزىن ءوزى جەتىلدىرىپ, ءبىلىمىن تولىقتىرىپ وتىرۋى, دەنساۋلىعىنا مۇقيات كوڭىل ءبولۋ قاجەتتىلىگى – اكتەرلىك قىزمەت تالاپ ەتەتىن باستى دۇنيەلەر. سوندىقتان دا جولداۋداعى ءبىلىم بەرۋ مەن دەنساۋلىق ساقتاۋ ماسەلەلەرىنە قاتىستى ناقتى ءارى دامۋ جولدارىنىڭ اشىپ كورسەتىلۋى تەاتر قىزمەتكەرلەرىنىڭ دە كوڭىلىن قۋانتادى.
تەاتردىڭ كوركەمدىك جەتەكشىسى, كسرو حالىق ءارتىسى اسانالى ءاشىموۆ جولداۋدا ايتىلعان باسىمدىقتاردى جۇزەگە اسىرۋدا سىرت قالا المايتىنىن, ەل مەن جەردىڭ جاڭا ۋاقىت تالابىنا ساي دامۋى ءۇشىن اركىم ءوز ەڭبەگىمەن ۇلەس قوسۋى كەرەكتىگىنە توقتالدى. «جولداۋدا ايتىلعان دۇنيەلەرگە ءبىز دە ءوز ۇلەسىمىزدى قوسامىز. ءبىزدىڭ قوسار ۇلەسىمىز, ول – زامان تالابىنا جاۋاپ بەرەتىن جاڭا سپەكتاكلدەر قويۋ, تەاتردىڭ رەپەرتۋارىن بايىتۋ, شىعارماشىلىق ۇجىمنىڭ جان-جاقتى تولىسىپ, ءوسۋى, ساپالى جۇمىس. سول ارقىلى ەلدىڭ ونەرىن شەتەلگە شىعارىپ, وزگە ەلدەرگە كورسەتۋ, ناسيحاتتاۋ» ەكەنىن ەسكە سالىپ, ۇلكەن-كىشى ارىپتەس ارتىستەردى ءوز ونەرىن شىڭداي تۇسۋگە, زامانا كوشىنەن قالماۋعا شاقىردى.
ونەردىڭ ومىرشەڭدىگى مەن حالىقشىلدىق سيپاتىن جولداۋمەن بايلانىستى قاراستىرعان قازاقستاننىڭ حالىق ءارتىسى ەسمۇحان وباەۆ پرەزيدەنت بەلگىلەپ بەرگەن باسىمدىقتاردىڭ مازمۇنى مەن جاڭالىعىن تۇسىندىرە كەلە, «پرەزيدەنتتىڭ بيلىك تارماقتارىنىڭ وكىلەتتىلىكتەرىن ءبولۋ ساياساتىن وتە دۇرىس شەشىم ءارى دەموكراتيانىڭ ناقتى كورىنىسى» دەپ باعالادى. ۇكىمەت ورىنداۋشى ءرولىن اتقارىپ وتىرا بەرمەي, پرەزيدەنت بيلىك وكىلەتتىلىگىن بولگەننەن كەيىن جاۋاپكەرشىلىگىن ارتتىرىپ, ءوز ىسىنە جاۋاپ بەرۋى كەرەك. سول سياقتى كەز كەلگەن سالاداعى باسشىلار پرەزيدەنتتەن ۇلگى الىپ, بارلىق ىستە ءبىر ءوزى جاۋاپكەرشىلىك الا بەرۋدەن بوساپ, وكىلەتتىلىكتەرىن ءبولىسۋى ءتيىس.
وزگەرىپ بارا جاتقان الەم شارايناسىنداعى قازاقستان كەلبەتىنىڭ دە جاڭارۋى, سول ءوزگەرىستەرگە قاراي يكەمدەلۋى, ءىس ءجۇرگىزۋى – ۋاقىت تالابى.
ايگۇل احانبايقىزى, «ەگەمەن قازاقستان»
الماتى