«بيزنەستىڭ جول كارتاسى 2020» باعدارلاماسى جۇزەگە اسىرىلا باستاعالى بەرى (2010ج.ب) «دامۋ» قورى كاسىپكەرلەردىڭ نەسيە پايىزدارى بويىنشا 148 ملرد تەڭگەگە سۋبسيديا تولەگەن. بۇل جوبالار قاتارىندا وڭدەۋ ونەركاسىبى سالاسىنداعى 9 130 جوبا (31,34%), كولىك جانە قويماعا ساقتاۋ (24,78%), كوتەرمە جانە بولشەك ساۋدا (10,89%), اۋىل, ورمان جانە بالىق شارۋاشىلىعى (7.13%), دەنساۋلىق ساقتاۋ جانە الەۋمەتتىك قىزمەت بار(6,22%).
شاعىن جانە ورتا كاسىپكەرلەردىڭ جوباسى بويىنشا قول قويىلعان نەسيەلەردىڭ جالپى سوماسى 1 ترلن 721 ملرد تەڭگەنى قۇرادى.
سۋبسيديالاۋدا بەلسەندىلىك تانىتقان وڭىرلەر - پاۆلودار, شقو, سقو, اقتوبە جانە قاراعاندى وبلىستارى. ەكىنشى دەڭگەيلى بانكتەردىڭ الدىڭعى ۇشتىگىن «قازاقستان حالىق بانكى» اق, «سبەربانك روسسي» اق ەب جانە «تسەنتر كرەديت بانك» اق باستاپ تۇر. ولار 8,5 مىڭ سۋبسيديالاۋ جوبالارىنا قول قويعان. نەسيە قورجىنىنىڭ جالپى كولەمى 1 ترلن 500 ملرد تەڭگەنى قۇرايدى.
كەپىلزات جەتىسپەگەن جاعدايدا بەرىلەتىن «دامۋ» قورىنىڭ كەپىلدەمەسىن جالپى سوماسى 94 ملرد تەڭگەلىك 2 644 جوبا پايدالاندى. ولاردىڭ ىشىندە كەپىلدەمە سوماسى 40,5 ملرد تەڭگەنى قۇرادى.
كەپىلدەمە بەرۋ بويىنشا وڭدەۋ ونەكاسىبى الدا تۇر. بۇل سالانىڭ ۇلەسىندە «دامۋ» قورى بەرگەن كەپىلدەمەلەردىڭ جالپى سانىنىڭ 41%-ى بار. ەكىنشى ورىندا كولىك جانە قويماعا ساقتاۋ (14%), ال اۋىل شارۋاشىلىعى 8% قۇرايدى. كەپىلدەمە بەرۋ جاعىنان شقو, (205 كەپىلدەمە بەرىلگەن), جامبىل وبلىسى (203 كەپىلدەمە بەرىلگەن), اقتوبە وبلىسى (196 كەپىلدەمە بەرىلگەن) الدا كەلەدى. كەپىلدەمەنىڭ سوماسى جاعىنان 3,8 ملرد تەڭگەمەن استانا كوش باستاپ تۇر. ەكىنشى دەڭگەيلى بانكتەر اراسىندا كەپىلدەمە سانى مەن سوماسى جاعىنان «سبەربانك روسسي» اق ەب مەن «قازاقستان حالىق بانكى» اق الدا تۇر.
2016 جىلى كاسىپكەرلەر 156,9 ملرد تەڭگەنىڭ سالىعىن تولەگەن («بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسى بويىنشا).
تولەنگەن سالىق كولەمى جاعىنان ءبىرىنشى ورىندا الماتى قالاسى (28,8 ملرد. تەڭگە) بولسا, ودان كەيىن بقو (14,3 ملرد تەڭگە), قاراعاندى وبلىسى (14,2 ملرد تەڭگە) تۇر.
وڭدەۋ ونەركاسىبى سالاسىندا جۇمىس ىستەيتىن كاسىپكەرلەر 87,3 ملرد تەڭگەنىڭ سالىعىن تولەسە, كولىك پەن قويماعا ساقتاۋ سالاسىنان 27,5 ملرد تەڭگە تۇسكەن.