نەيمار «اقتوبەنى» مەرەيتويىمەن قۇتتىقتادى

برازيليا ۇلتتىق قۇراماسى مەن «بارسەلونانىڭ» شابۋلشىسى نەيمار «اقتوبە» فۋتبول كلۋبىن 50 جىلدىق مەرەيتويىمەن قۇتتىقتادى. 25 جاستاعى فۋتبولشىمەن ونىڭ وتانداسى ءارى «اقتوبەنىڭ» جاڭا ويىنشىسى ۆيتور جۋنيور كەزدەستى. كوماندانىڭ الەۋمەتتىك جەلىلەردەگى رەسمي پاراقشالارى قازاقستاندىق كوماندانىڭ جەيدەشەسىنە قۇتتىقتاۋ سوزدەرىن جازىپ, قولتاڭباسىن قويىپ بەرگەنىن حابارلادى. بۇل جەيدە جاقىن ارادا اشىلاتىن كلۋبتىڭ مۋزەيىندە ساقتالادى. «اقتوبە» فۋتبول كلۋبىنىڭ مۋزەيىندە الەمدى ءوز ونەرىمەن ءتانتى ەتىپ جۇرگەن تالانتتى فۋتبولشىنىڭ جەيدەشەسى ساقتالاتىن بولادى. نەيمار بۇعان دەيىن قازاقستان پرەمەر-ليگاسى جايلى جاقسى بىلمەيتىنىن ايتقانمەن, الداعى ۋاقىتتا ءبىزدىڭ ۇجىمعا, سونداي-اق دوسى ۆيتور جۋنيورعا جانكۇيەرلىك ەتەتىنىن مالىمدەدى», – دەپ جازدى كلۋبتىڭ ينستاگرامداعى پاراقشاسى. بۇعان دەيىن جۋنيور برازيليانىڭ اڭىزىنا اينالعان, «بارسەلونانىڭ» بۇرىنعى ويىنشىسى رونالدينومەن دە كەزدەسىپ, «اقتوبەنىڭ» مۇراجايى ءۇشىن قولتاڭباسىن العان بولاتىن.