شەتەلدىك ينۆەستورلار وتاندىق عىلىمدى بەلسەندى قولداپ جاتىر. ەلگە كىرگەن جالپى ينۆەستيتسيانىڭ ۇشتەن ءبىرى عىلىمي-تەحنيكالىق سەكتورعا تيەسىلى. 2016 جىلدىڭ العاشقى ءۇش ماۋسىمىندا بۇل كورسەتكىش 4,74 ملرد دوللاردى قۇراپ, الدىڭعى جىلدىڭ وسى ۋاقىتىمەن سالىستىرعاندا 25 پايىزعا ۇلعايعان, دەپ جازادى Energyprom.kz.
سونىمەن قاتار, ينۆەستيتسيانى كوپ تارتاتىن سالالاردىڭ العاشقى ۇشتىگىندە تاۋ-كەن مەن وڭدەۋشى ونەركاسىپ بار. العاشقى ورىنداعى ءۇش سالا رەسپۋبليكاعا تارتىلعان جالپى ينۆەستيتسيانىڭ 77 پايىزىن قۇرايدى.
2016 جىلدىڭ قاڭتار-قىركۇيەك ارالىعىندا شەتەلدىكتەردەن تارتىلعان تىكەلەي ينۆەستيتسيا 14,52 ملرد دوللاردى قۇراپ, ونىڭ الدىنداعى جىلدىڭ وسى ۋاقىتىمەن سالىستىرعاندا 27,3 پايىز ءوسىم كورسەتكەن.
العاشقى ۇشتىكتەگى سالالاردىڭ ىشىندە عىلىمي-تەحنيكالىق قىزمەتكە تارتىلعان ينۆەستيتسيا جالپى كولەمنىڭ 32,6 پايىزىن قۇراسا, تاۋ-كەن ءىسى 26,1 پايىزدى, ال قايتا وڭدەۋ سالاسى 18,2 پايىزدى قۇرايدى.
قازاقستانداعى جاڭعىرتۋدىڭ ءۇشىنشى تولىقىنى ەلدەگى تاۋار ءوندىرىسى مەن ساۋداسى جانە قىزمەت كورسەتۋ سالاسىنا قارقىن بەرەدى دەپ كۇتىلۋدە. وسى ورايدا "استانا حالىقارالىق قارجى ورتالىعىنىڭ" اشىلۋى ەلدە ترانسۇلتتىق كومپانيالاردىڭ جۇمىس ىستەپ, قارجى نارىعىن دامىتپاق.
2016 جىلدىڭ العاشقى ءۇش ماۋسىمىنداعى كورسەتكىش شەت ەلدىك ينۆەستيتسيا كورسەتكىشىنىڭ كوبەيىپ كەلە جاتقانىن كورسەتەدى. ونىڭ الدىندا, 2013 جىلى, شەت ەلدەن تارتىلاتىن قارجى كۇرت ازايىپ كەتكەن ەدى.
دۇنيەجۇزىلىك بانكتىڭ Doing Business 2017 تىزىمىندە قازاقستان ءبىر جىلدا 22 ورىن العا جىلجىپ, "قارجى ينۆەستورلارىن قورعاۋ" بولىمىندە ءۇشىنشى ورىندا تۇر.
ال 2017 جىلدىڭ 1 قىركۇيەگىنە دەيىن جاڭا ينۆەستيتسيالىق سترەتەگيا دايىندالماق.