بيىلعى جىلى اۋىل شارۋاشىلىعى سالاسىندا جۇرگىزەلەتىن بىرقاتار شارالار ءوسىمدى 2,5 پايىزعا جەتكىزۋدى جوسپارلاۋدا. بۇل تۋرالى بۇگىن ۇكىمەت وتىرىسىندا اۋىل شارۋاشىلىعى ءمينيسترى اسقار مىرزاحمەتوۆ مالىمدەدى.
«وسىمدىك شارۋاشىلىعى بويىنشا مايلى, جەمدىك جانە باسقا دا سۇرانىسقا يە داقىلداردىڭ ەگىس القابىن 540 مىڭ گا (8,2-دەن 8,7 ملن. گا) ارتتىرۋ جوسپارلانۋدا.سۋمەن قامتاماسىز ەتىلگەن القاپتار اۋماعىن ارتتىرۋ جونىندەگى ەكىنشى مىندەتتىڭ اياسىندا يسلام دامۋ بانكىنىڭ اتسالىسۋىمەن يرريگاتسيا مەن درەناجداردى قايتا قالپىنا كەلتىرۋ جوباسى قولعا الىنۋدا. مۇنىڭ ناتيجەسىندە 15 مىڭ گا تۇراقتى سۋارۋ اۋماعى پايدا بولادى.ايتالىق, 7 اپاتتى جاعدايداعى سۋ قويماسى مەن گيدروتەحنيكالىق قۇرىلىستىڭ رەكونسترۋكتسياسى بىتەدى. بۇل 12 مىڭ گا سۋارمالى جەرلەردىڭ سۋمەن قامتىلۋى جاعدايىن جاقسارتادى», - دەدى ا.مىرزاحمەتوۆ.
ول ايتىپ وتكەندەي, ءۇشىنشى مىندەت كووپەراتسيانى دامىتۋ بولىپ سانالادى.
«اعىمداعى جىلى 176 كووپەراتيۆ قۇرۋ جوسپارلانۋدا. ولار ءوز قىزمەتى اياسىنا 16 مىڭعا جۋىق ءوزىن-ءوزى جۇمىسپەن قامتىعاندار مەن جۇمىسسىزداردى تارتادى دەپ كۇتىلۋدە.سونداي-اق, بۇل قايتا وڭدەۋ كاسىپورىندارىنىڭ جۇكتەلىمىن ارتتىرادى. اتاپ ايتقاندا, ءسۇت – 170 مىڭ توننا (57-دەن 65%), ەت – 12مىڭ توننا (54-تەن 58%), وسىمدىك مايى – 20 مىڭ توننا (30-دان 31%), قانت قىزىلشاسىنىڭ قانتى – 16 مىڭ توننا (37-دەن 50%).اتالعان شارالار يمپورتقا تاۋەلدىلىكتىڭ تومەندەۋىنە جول اشادى», - دەدى ا.مىرزاحمەتوۆ.